МХБ 21.4 тэрбум төгрөгийн арилжаа хийжээ

Монголын хөрөнгийн бирж өнгөрсөн сард 21.4 тэрбум төгрөгийн арилжаа хийжээ. Энэ нь өмнөх сараас 1.6 дахин буурсан үзүүлэлт аж. Тайлант хугацаанд “Топ-20” индексийн дундаж 35707 нэгжид байсан нь өмнөх сарын дунджаас 1157 нэгжээр буурсан байна. Шинээр бүртгэгдсэн бүтээгдэхүүний тоо өн­гөр­сөн сард цөөн байсантай холбоотойгоор анхдагч зах зээлийн арилжааны дүн сул байсан нь нөлөөлжээ.

Харин хувьцааны хоёрдогч захад хийсэн арилжааны үнийн дүн өмнөх сараас 50 гаруй хувиар өссөн байна. Өнгөрсөн сарын арилжааны сүүлийн өдөр нийт хөрөнгийн зах зээлийн үнэлгээ 10.2 их наяд орчим төгрөгөөр хэмжигдэж байна. Бүтээгдэхүүний чанар сайжирч хөрөнгө оруулагчдын идэвх өндөр байгаатай зэрэгцэн хөрөнгийн за­хад нийлүүлэлтийн илүүдэл гарсан зэрэг шалт­гаанаар компаниудын хувьцааны ханш буурах хөдөлгөөн гарч байна гэж салба­рын­хан дүгнэсэн юм. Хэдий тийм боловч бүтээг­дэхүүнүүд төрөлжих, хөрөнгө оруулагч­дын итгэл нэмэгдсэнд үндэслэн 2023 оны үлдсэн улирлыг өөдрөгөөр төсөөлж байна.