Дуучин Адель "30" цомгоороо 2021 онд урлагт эргэн ирснээ зарласан билээ. Уг цомог худалдаанд гарсан даруйдаа АНУ-д борлуулалтаараа тэргүүлсэн. Гэвч Адель карьераа түр завсарлахаар шийджээ. Дуучин бүсгүй “Би Английн уран зохиолын чиглэлээр сурахыг хүсч байна. Ахлах сургуулиа төгсөөд их сургуульд үргэлжлүүлэн сураагүйдээ харамсдаг" гэж "Вашингтон пост" сонинд ярьжээ. Тэрбээр Лас Вегаст энэ сарын 18-нд товлосон тоглолтынхоо дараа их сургуульд суралцахаар төлөвлөжээ.
Адель 170 сая гаруй ам.долларын хөрөнгөтэй, дэлхийн хамгийн амжилттай дуучдын нэг. Хөгжмийн карьераа 2006 онд эхлүүлсэн бөгөөд дөрвөн цомог хэвлүүлжээ. Хамгийн сүүлд "30" цомогтоо салалт, уй гашуу, хагацал, ээж болсон сэтгэгдэл, алдар, нэр хүндэд хандах хандлагаа тусгасан байдаг.
Х.Заяа
°C