АНЭУ-ын Абу Даби хотод жүдо бөхийн насанд хүрэгчдийн дэлхийн аварга шалгаруулах тэмцээн үргэлжилж байна. Эмэгтэйчүүдийн 48 кг-ын жинд ШШГЕГ-ын "Сүлд" спорт хороо, "Импро" групп, Үндэсний шигшээ багийн тамирчин, Ази тивийн аварга, олон улсын хэмжээний мастер Б.Баасанхүү Италийн жүдочин Scutto -г вазари үнэлгээгээр ялснаар алтан медаль хүртлээ. Тэрбээр жүдо бөхийн дэлхийн аварга шалгаруулах тэмцээнээс Монголын баг тамирчдын 28 дахь медаль, дэлхийн аваргын зургаа дахь алтан медаль, эмэгтэй тамирчдын гурав дахь алтан медалийг хүртэж буй нь энэ юм.
Тэмцээний хоёр дахь өдөр эрэгтэйчүүдийн 73 кг-ын жинд Үндэсний шигшээ багийн тамирчин Л.Анхзаяа Бразилын бөх Даниэль Каргниныг нэмэлт цагт торгуулиар ялснаар хүрэл медаль хүртлээ. Дэлхийн шинэхэн медальтан болсон Л.Анхзаяа жүдо бөхийн дэлхийн аваргаас Монголын баг тамирчдын 29 дэх медаль, 18 дахь хүрэл медалийг ийнхүү хүртэж байна.
Олимпын эрхийн оноо олгох тус тэмцээнд 107 орны нийт 658 тамирчин оролцож байгаа юм.
Эх сурвалж: Монголын үнэн сонин №020/24599/
°C
Сэтгэгдэл (0)
Сэтгэгдэл бичигдээгүй байна