Б.Зул
Зүүн Азийн залуучуудын наадам ирэх онд манай улсад болох билээ. Манай улсад анх удаа болох тус наадам спортын 12 төрөлд Зүүн Азийн есөн орны 14-18 хүртэлх насны залуучууд оролцоно. Наймдугаар сард зохион байгуулах тус наадамд 2400 орчим тамирчин, дасгалжуулагч, 350 гаруй шүүгч, техникийн ажилтан болон холбогдох албаны 4500 орчим хүн Улаанбаатарт ирэх тооцоо гарсан юм.
Тэгвэл тус наадмыг зохион байгуулах хорооноос маргааш Монголын 12 спорт холбоотой санамж бичигт гарын үсэг зурах ёслол өнөөдөр болно. Уг арга хэмжээнд Нийслэл Засаг дарга бөгөөд Улаанбаатар хотын захирагч, Зүүн Азийн залуучуудын II наадмыг зохион байгуулах хорооны дарга Д.Сумъяабазар болон наадмын хөтөлбөрт багтсан 12 спорт холбооны удирдлагууд оролцох ажээ. Дашрамд сонирхуулахад, уг наадмын элч төлөөлөгчөөр Х.Номинзулыг сонгосон билээ.
°C