Б.Зул
Самбо бөхийн насанд хүрэгчдийн дэлхийн аварга шалгаруулах тэмцээн Узбесктаны Ташкент хотноо болж өндөрлөлөө. 50 орны самбочид цугласан тус тэмцээнд оролцсон манай тамирчид алт, мөнгө, хүрэл медаль хүртсэн амжилттай эх орондоо ирж байна.
Тодруулбал, байлдааны самбын 58 кг-ын жинд Г.Баяндүүрэн алтан медаль хүртсэн юм. Ингэснээр тэрбээр яг энэ төрлөөр дэлхийн аварга болсон Монголын гурав дахь тамирчин болж байна. Тэгвэл эрэгтэйчүүдийн 71 кг-ын жинд гавьяат тамирчин Д.Төмөрхүлэг хүрэл медалиар энгэрээ мялааж, дэлхийн аваргын хос медальтан болов. Түүний хувьд 2015 оны дэлхийн аваргад түрүүлж байсан бөгөөд долоон жилийн дараа дэлхийгээс дахин медаль авлаа. Тэгвэл 2019 оны дэлхийн аваргад түрүүлж байсан олон улсын хэмжээний мастер Д.Пүрэвдорж хоёр дахиа финалдсан ч хошой аварга болж чадсангүй. Ингэснээр самбын дэлхийн аваргаас алт, мөнгөн медальтай боллоо.
°C
Сэтгэгдэл (0)
Сэтгэгдэл бичигдээгүй байна