Ерөнхийлөгчийн хоригийг хэлэлцэнэ

УИХ-ын хаврын ээлжит чуулган нээлтээ хийлээ. Хаврын чуулганы нээлтийн дараагаар нэгдсэн хуралдаан үргэлжлэв. УИХ-ын нэгдсэн хуралдаанаар ҮАБЗ-ийн мэдээллийг хаалттай горимоор сонсож байгаа юм. 

Өнөөдөр Төрийн байгуулалтын, Хууль зүйн, Нийгмийн бодлогын байнгын хороод хуралдахаар товложээ. Төрийн байгуулалтын байнгын хорооны хуралдаанаар  Зөвлөлдөх санал асуулгын үр дүнгийн талаар мэдээлэл сонсох бол Нийгмийн бодлогын байнгын хорооны хуралдаанаар Эрүүл мэндийн даатгалын үндэсний зөвлөлийн гишүүнд нэр дэвшигчийн сонсголын товыг тогтоох юм байна. 

Харин Хууль зүйн байнгын хорооны хуралдаанаар  Олон нийтийн сүлжээнд хүний эрхийг хамгаалах тухай хууль болон дагалдан гарсан Харилцаа холбооны тухай хуульд нэмэлт, өөрчлөлт оруулах тухай, Кибер аюулгүй байдлын тухай хуульд нэмэлт оруулах тухай, Хүний хувийн мэдээлэл хамгаалах тухай хуульд нэмэлт оруулах тухай, Татварын ерөнхий хуульд өөрчлөлт оруулах тухай хуулиудад бүхэлд нь тавьсан Монгол Улсын Ерөнхийлөгчийн хоригийг хэлэлцэхээр төлөвлөжээ. 

Н.Энх