Ч.Ундрам: УИХ хэн нэг иргэний хувийн амьдралыг хэлэлцэхгүй

УИХ-ын гишүүн  Ч.Ундрамыг гэр бүлээс гадуур харилцаатай, хүүхдээ хүчирхийлдэг талаар нөхөр А.Наранцацралт нь цахим сүлжээндээ бичиж, түүнд ёс зүйн хариуцлага тооцох эсэх асуудал яригдсан.  Өнгөрсөн оны сүүлчээр болсон гэр бүлийн дээрх асуудлаас хойш Ч.Ундрам гишүүн УИХ-ын намрын чуулганд үзэгдээгүй билээ. Тэгвэл УИХ-ын хаврын чуулгандаа тэрбээр оролцож байна. УИХ-ын гишүүн Ч.Ундрам ёс зүйн хариуцлага хүлээх эсэх талаар сэтгүүлчдийн асуултад хариуллаа. Тэрбээр: 

-УИХ-ын Ёс зүй, сахилга батын хороо УИХ-тай холбоотой асуудлыг хэлэлцдэг. Түүнээс бус хэн нэг иргэний хувийн амьдралыг хэлэлцэхгүй. Миний хувийн амьдрал, ажил хэрэг  хоёр тусдаа асуудал.  Миний хувийн амьдралтай холбоотой асуудал  хуулийн байгууллагаар шийдэгдээд явж байна. 

УИХ-ын гишүүний өргөсөн тангараг, ёс зүйн хууль, дүрэм журамтай харшилсан ямар нэгэн үйлдэл огт гаргаагүй. Миний хувьд ямар нэгэн авлига, албан тушаалын гэмт хэрэгт холбогдоогүй." хэмээн хариулжээ. 

Н.Нягт