Ерөнхийлөгчийн хоригийг хүлээж авлаа

УИХ-ын чуулганы нэгдсэн хуралдаан болж байна. Хуралдаанаар  Олон нийтийн сүлжээнд хүний эрхийг хамгаалах тухай хууль болон дагалдан гарсан хуулиудад бүхэлд нь тавьсан Монгол Улсын Ерөнхийлөгчийн хоригийг  хэлэлцэв. Холбогдох байнгын хороод уг асуудлыг хэлэлцээд Ерөнхийлөгчийн хоригийг хүлээж авах нь зүйтэй гэж үзсэн байлаа. УИХ-ын чуулганы . Ерөнхийлөгчийн хоригийн хүлээн авахыг гишүүдийн олонх дэмжиж,  УИХ-ын тогтоолыг баталсанд тооцлоо. 

Тус хуулийн төслийг шинэчлэн боловсруулах, иргэний нийгмийн байгууллага, олон нийтээс саналыг нь авах, процедурын алдаагүй боловсруулж, дахин өргөн мэдээлэх чиглэлийг УИХ-ын дарга Г.Занданшатар өгсөн юм. 

Дараагаар нь “Олон улсын иргэний нисэхийн тухай Конвенцын 50 дугаар зүйлийн а) хэсэгт нэмэлт, өөрчлөлт оруулах тухай Протокол”-ыг соёрхон батлах тухай хуулийн төсөл /Засгийн газар 2023.01.10-ны өдөр өргөн мэдүүлсэн, соёрхон батлах/,  "Олон улсын иргэний нисэхийн тухай Конвенцын 56 дугаар зүйлд нэмэлт, өөрчлөлт оруулах тухай Протокол”-ыг соёрхон батлах тухай хуулийн төслийг тус тус хэлэлцлээ. 

Н.Энх