Сэлэнгэ аймгийн Зүүнбүрэн, Түшиг суманд төрийн албан хаагч, залуу гэр бүлүүддээ тусгайлан зориулж, “Энх-Ундрам” хотхон өөрийн санхүүжилтээр барьж, үүдийг нь нээж, өрхийг нь татлаа. Зүүнбүрэн суманд шинэ оны босгон дээр “Энх-Ундрам” хотхоны эхний ээлжийн барилгыг ашиглалтад оруулаад байна. Хүний орон гэр гэдэг бол зөвхөн дөрвөн ханан дундах орон зай төдий биш. Хүний хэрэгцээ цөм бүрэн байх иж бүрэн шийдэл. Хотхон дотроо цэвэр бохир ус, халаалт, цахилгаантай, автомашины дулаан зогсоол, хүүхдүүд тоглох талбайтай.
Цалинтай бол хаустай, орлоготой бол орон сууцтай болох залуу айл өрхүүдийн хүслийг тэтгэх хотхон юм. Үнэ өртөгт нь ашиг биш сэтгэл шингэсэн бүтээн байгуулалт босноороо онцлогтой. Төрийн албан хаагч, залуу айл өрхүүд жилийн гурван хувийн хүүтэй ипотекийн хөнгөлөлттэй зээл аваад шинэ сууц руугаа нүүнэ. Орон сууц бол монгол айл өрх бат бэх, урам зоригтой амьдарч ажиллах, амжилт ололтын амин дэм, аз жаргалын түлхүүр билээ.
Эх сурвалж: "Монголын үнэн" сонин №009/24588/
°C
Сэтгэгдэл (0)
Сэтгэгдэл бичигдээгүй байна