Монголын маркетинг менежментийн хүрээлэн, Монголын сайтын холбоо хамтран “Next Generation 2022” наадмыг энэ сарын 26-ндзохион байгуулж, шагнал гардууллаа.
Салбар салбарын шилдгүүдийг тодруулсан уг арга хэмжээнд урлаг, соёлынхон манлайлсан содон амжилттай байлаа. Шоу интертаймент салбарын өрсөлдөөн ширүүссэн нь үүнд нь нөлөөлсөн болов уу гэсэн дүгнэлтийг ажиглагчид гарсан байна.
“MGL art media” группийн уран бүтээлчдийн “Бэхэн зүрх” уран сайхны киноны нээлт арван нэгдүгээр сарын 18-нд тохиосон. Киноны ерөнхий продюсероор С.Бат-Ирээдүй, ерөнхий зураглаачаар “Black zebra” студийн үүсгэн байгуулагч Б.Базаррагчаа, ерөнхий зураачаар П.Бэрхээдэй, хөгжмийн зохиолчоор Г.Онон нарын чадварлаг уран бүтээлчид хамтарч ажилласан юм. Ерөнхий найруулагчаар жүжигчин, найруулагч А.Баттүшиг ажиллажээ.
Энэ нь түүний ерөнхий найруулагчаар ажиллаж буй бүрэн хэмжээний анхны уран сайхны кино гэдгээрээ онцлог. Гол дүрүүдэд О.Оюун, Э.Чинзориг, О.Дуламсүрэн, Б.Уянга тэргүүтэй туршлагатай уран бүтээлчид, О.Самданпүрэв, Ц.Цэлмэг, Б.Энхсайхан, Д.Өсгүүнбилэг, Ц.Сувд нарын залуу жүжигчин, түүнчлэн “Hi-Fi” рекордсын захирал, “Playtime” олон улсын хөгжмийн наадмын санаачлан зохион байгуулагч Ц.Нацагдорж тогложээ. “Бэхэн зүрх” кино нь уран бүтээлч хүний амьдрал, хайр дурлалын үнэ цэн, нэр алдар, төлөөсийн талаар өгүүлсэн байна. “Бэхэн зүрх” монголын уран сайхны кино “Next Generation” наадмаас “Оны шилдэг кино” шагнал хүртлээ.
Н.Нягт
°C