ОХУ-ын Ерөнхийлөгч В.Путин Украинд урьдчилсан нөхцөлгүйгээр хэлэлцээр хийхийг санал болгосноор талууд Истанбулд уулзлаа. Хэлэлцээрийн явцад гал зогсоох тохиролцоонд хүрэх эсэхийг Кремлийн тэргүүн үгүйсгээгүй билээ. Ерөнхийлөгчийн хэвлэлийн нарийн бичгийн дарга Дмитрий Песковын хэлснээр Орос улс энхтайвнаар зохицуулах арга замыг эрэлхийлж байна.
Москва энэ явдлыг 2022 онд эхлүүлсэн хэлэлцээрийн үргэлжлэл, мөргөлдөөний үндсэн шалтгааныг арилгах зам гэж үзэж байна. Уулзалтад ОХУ-ын Гадаад хэргийн сайд Сергей Лавров, Ерөнхийлөгчийн олон улсын асуудал эрхэлсэн зөвлөх Юрий Ушаков нар оролцсонгүй. Харин 2022 онд Москваг төлөөлсөн Ерөнхийлөгчийн туслах Владимир Мединский, Гадаад хэргийн дэд сайд Михаил Галузин, Батлан хамгаалахын дэд сайд Александр Фомин, Зэвсэгт хүчний жанжин штабын Ерөнхий газрын дарга нар оролцсон.
Украины бүрэлдэхүүнд Ерөнхийлөгчийн Тамгын газрын дарга Андрей Ермак, орлогч дарга Игорь Жовква, Батлан хамгаалахын сайд Рустем Умеров, Гадаад хэргийн сайд Андрей Сыбиха нар багтжээ. Хэлэлцээрийн зорилго мөргөлдөөний үндсэн шалтгааныг арилгах, Оросын ашиг сонирхлыг хангахад чиглэжээ. Үүний хариуд Украины Ерөнхийлөгч В.Зеленский Москва хүлээн зөвшөөрөмгүй нөхцөлүүдийг дахин дэвшүүлсэн. Киевийн эрх баригчид Кремлийн саналыг хүлээн зөвшөөрөхийг АНУ-ын Ерөнхийлөгч Дональд Трамп уриалсан.
Эх сурвалж: Монголын үнэн сонины №018/24645/ дахь дугаарыг ЭНД-ээс уншаарай.
°C
Сэтгэгдэл (0)
Сэтгэгдэл бичигдээгүй байна