СДМЗХ-ноос Дэвшилтэт хөгжлийн стратегийг 2024-2028 онд хэрэгжүүлж байна. Энэ хүрээнд Социал демократ залуучуудын академийнхан “Менторшип-2025” хөтөлбөрийг санаачлан эхлүүлсэн юм. 45 хоногийн хугацаанд үргэлжлэх уг хөтөлбөрт хамрагдсанаар хувь хүн төдийгүй сургагч багш нар ч ур чадвараа хөгжүүлэх боломжтой юм. Менторшип хөтөлбөрийн удаах төгсөгчид батламжаа аваад удаагүй байна. Энэ удаад 10 ментор, 20 ментий хамрагдаж, сургагч багшийн ур чадвараа хөгжүүлэн сар гаруй хугацаанд арга зүйгээ солилцон мэдлэгээсээ хуваалцжээ. Хөтөлбөрийн төгсгөлд шилдгүүдээ тодруулсан бөгөөд тэргүүн байрт Т.Буяндэлгэр ментортой багийнхан шалгарлаа. Түүний ментий Орхон аймгаас “Менторшип-2025” хөтөлбөрт хамрагдсан сэтгэл зүйч Э.Бямбасүрэн байв. Т.Гантогтох ментортой баг дэд байр эзэлсэн бөгөөд ментий нь Г.Одмаа юм. Гутгаар байрт Б.Төмөр-Очир ментор, Г.Лхагвасүрэн ментийтэй баг шалгарчээ.
Б.Сийлэн
Эх сурвалж: Монголын үнэн сонины №018/24645/ дахь дугаарыг ЭНД-ээс уншаарай.
°C
Сэтгэгдэл (0)
Сэтгэгдэл бичигдээгүй байна