Дархан-Уул аймгийн Дархан сумын 3 дугаар багийн нутаг “Тэс петролиум” ХХК Шатахуун агуулах нөөцийн сав /резервуар/ дэлбэрсэний улмаас арванхоёрдугаар сарын 1-нд гал гарсан. ОБЕГ-ын Гал түймэртэй тэмцэх хэлтсийн даргаар ахлуулсан алба хаагчид ажиллаж, “Тэс петролиум” ХХК-ийн шатахуун агуулах нөөцийн сав /резервуар/-ын үлдэгдэл АИ-92 бензинийг соруулах ажиллагааг мөн өдрийн 23:25 цагаас эхлэн дараа өдрийн 20:00 цаг хүртэл 372 тонныг 40 тоонын есөн автоцистернээр соруулж, тухайн компанийн хашаанаас гарган парклуулж, цагдаагийн хамгаалалтанд авлаа.
Тухайн саванд гал түймрийн улмаас үүссэн лагийг соруулах үйл ажиллагаа явагдсан. Энэ үеэр тухайн сав руу унасан байх магадлалтай хоёр иргэнийг эрэн хайх ажиллагаанд Онцгой байдлын байгууллага, Цагдаагийн байгууллага, Эмнэлгийн байгууллага, “Тэс петролиум” ХХК-ийн ажилтнууд ажиллаж, иргэн Д /49 настай, эрэгтэй/, О /43 настай, эмэгтэй/-ы цогцсыг тус тус гаргаж тус аймгийн Цагдаагийн газрын жижүүрийн бүрэлдэхүүнд шилжүүлэн өглөө.
Эх сурвалж: ОБЕГ
°C