Хууль зүй, дотоод хэргийн сайд Х.Нямбаатар "Шувуу" ажиллагааны талаар мэдээлэл хийлээ. Тэрбээр:
-Засгийн газрын ээлжит хуралдаанаар авлигатай тэмцэх хүрээнд "Шувуу" ажиллагааг эрчимжүүлэх хүрээнд урамшуулалтай болгохоор шийдвэрлэсэн. 11-11 төвд мэдээлэл өгсөн иргэний мэдээлэл батлагдсан тохиолдолд 10 мянган ам.доллароор урамшуулна.
Бид одоо ч төлбөртэй мэдээлэл авдаг. Мэдээлэл нь батлагдсан, нотлогдсон тохиолдолд урамшуулал авна. Шувуу ажиллагааны хүрээнд иргэн Т.Бадамжунайг Филиппин улсаас баривчилсан. Иргэн Төгсбаяр АТг-тай Унгар улсаас өөрөө холбогдоод хэргээ шалгуулахаар ирсэн. Иргэн н.Болортуяа БНСУ-аас өөрийн хүсэлтээр ирж, хэргээ шалгуулж байна. Тухайн иргэдэд хилийн хориг болон таслан сэргийлэх арга хэмжээ авсан байгаа.
Ойрын хугацаанд Өмнөд Солонгосын хууль сахиулах байгууллагатай хамтран тус улсаас хэд хэдэн иргэнийг Монгол руу албадан ирүүлэх арга хэмжээг авна хэмээн мэдээлэв.
Э.Сонор
°C
Сэтгэгдэл (0)
Сэтгэгдэл бичигдээгүй байна