Дархан-Уул аймгийн МАН-ын хорооны тэргүүлэгч, аймгийн ИТХ-ын төлөөлөгч, Дархан сумын СДМЭХ-ны тэргүүн Б.Буяндүүрэнтэй ярилцлаа.
-Орон нутгийн Иргэдийн хуралд жендэрийн харьцаа хэр байна вэ?
-Аймгийн ИТХ-д сонгогдон ажиллах хугацаанд жендэрийн харьцаа харахад шийдвэр гаргах түвшинд эмэгтэйчүүдийн оролцоо хангалтгүй байна. Жишээлбэл, манай аймагт 2016-2020 оны ИТХ-д таван эмэгтэй төлөөлөгч байсан бол өнөөдөр дөрвөн эмэгтэй байна. Эмэгтэйчүүд шийдвэр гарах түвшинд оролцсоноор илүү мэдрэмжтэй ажиллана. Яагаад гэвэл эмэгтэй хүн аливаа асуудалд зөөлөн хүчний бодлого барьдаг. Гэр бүл, эрүүл мэнд, боловсрол гээд улс орны нийгмийн асуудлыг тал бүрээс нь хардаг. Нийгмийн сэтгэлзүйг харахад өнөөдөр шийдвэр гаргах түвшинд эмэгтэйчүүдийн оролцоо нэн шаардлагатай байгаа юм.
-Шийдвэр гаргах түвшинд эмэгтэйчүүдийн оролцоог нэмэгдүүлэхэд юуг анхаарах хэрэгтэй вэ?
-Манай улсын хүн амыг хүйсийн бүтцээр харвал 51 хувь нь эмэгтэйчүүд. Сонгууль өгөх насны иргэдийн мөн л 51 хувь нь эмэгтэйчүүд байдаг. Гэтэл шийдвэр гаргах түвшинд яагаад бага оролцоотой байна вэ. Өнөөдөр улс төрийн намууд эмэгтэйчүүдийг шийдвэр гаргах түвшинд дэмжихээ илэрхийлж байгаа нь сайшаалтай.
-Шийдвэр гаргах түвшинд эмэгтэйчүүдийн оролцоог нэмэгдүүлснээр ямар эерэг хандлага гарах вэ?
-Судалгаа олон байдаг. Хамгийн түрүүнд авлигатай холбоотой асуудал эмэгтэйчүүдээс хол. Өнөөдөр эмэгтэйчүүдийн боловсролын түвшин өндөр болсон. Эмэгтэйчүүд шийдвэр гаргах түвшинд ажилласнаар эрэгтэйчүүдийнхээ боловсрол, манлайллыг ярих цаг болжээ.
Өнгөрсөн 30 жилийн алдаанд цэг тавьж, өнөөдрөөс шинээр эхэлж, ирээдүйдээ шинэ Монгол Улсыг үлдээмээр байна. Үүнд эмэгтэйчүүдийн оролцоо чухал юм.
°C
Сэтгэгдэл (1)