ШУУД: Т.Чимгээ, Б.Содномдаржаа нарт холбогдох хэргийг хэрэгсэхгүй болголоо

Засгийн газрын ээлжит хуралдаан боллоо. Хуралдаанаар ХЗДХ-ийн сайд Х.Нямбаатар мэдээлэл хийж байна. Тэрбээр: 

-2021 оны долдугаар сарын 21-ны өдөр Тагнуулын ерөнхий газар, ЦЕГ хамтарч мөрдөн шалгах ажиллагаа явуулсан. Прокурорын байгууллагаас 2022 оны тавдугаар сарын 16, зургадугаар сарын 30, 11 дүгээр сарын 8, нэгдүгээр сарын 30-ний өдөр тус тус Т.Чимгээ, Б.Содномдаржаа нарт холбогдох хэргийг хэрэгсэхгүй болгох санал хүргүүлсэн.

Өнөөдөр Т.Чимгээ, Б.Содномдаржаа, Амгаланбаатар нарт холбогдох хэргийг хэрэгсэхгүй, хүчингүй болгож байна. Учирсан хохирлоо иргэний журмаар нэхэмжлэх эрх үүснэ. С.Зоригийн амь насыг хөнөөсөн хэргийг үргэлжлүүлэн шалгана хэмээв. 

ЗГХЭГ-ын дарга Д.Амарбаясгалан хүний эрхийг зөрчихөөс сэргийлж ажиллах зарчмыг Монгол Улсын Засгийн газар барьж байгааг онцоллоо. 

Н.Нягт