Л.Энх-Амгалан: Англи хэлийг гуравдугаар ангиас заахаар төлөвлөсөн

УИХ-ын чуулганы хуралдаанаар Боловсролын багц хуулийн төслийн анхны хэлэлцүүлгийг хийлээ. Уг хуулийн төсөлтэй холбогдуулан гишүүн Ч.Ундрам  өчигдрө англи хэлийг нэгдүгээр ангиас нь дэмжих санал байнгын хорооны хуралдаанаар дэмжигдсэн талаар жиргэсэн байлаа. Сошиалын халуун сэдэв болсон англи хэлийг хэддүгээр  ангиас нь заах асуудалд БШУ-ны сайд Л.Энх-Амгалан цахим хуудсаараа дамжуулж тайлбар хийсэн байна. Тэрбээр "Өдрийн турш Англи хэлийг 1-р ангиас нь заахаар болсон байна. Буруу, зөв гэж сошиал сүлжээнд маш их маргалдсан байна.Тодруулъя: 

1.Боловсролын хуулийн анхны хэлэлцүүлгээр Англи хэл бол үндсэн гадаад хэл байна.

2.Хуулинд 1-р ангиас Англи хэл заах тухай ямар ч үг, өгүүлбэр, заалт байхгүй.

3.Шинэ хөтөлбөрөөр 3-р ангиас Англи хэл заана гэж төлөвлөсөн. Гэхдээ бидэнд бэлтгэл хэрэгтэй. Хөтөлбөрөө бэлдэнэ, сурах бичгээ бэлдэнэ, багшаа бэлдэнэ..." хэмээжээ. 

Н.Нягт