Өмнөд Солонгосын дуучин, “F4” киноны жүжигчин Ким Хён Жун, MC Sniper, Bloo нар Монголд хамтарсан тоглолт хийхээр болжээ. Тэд манай дуучдаас Чойжоо болон “Vandebo” хамтлагтай Валентины өдрөөр тоглолтоо хийх юм. “Буянт-Ухаа” спорт цогцолборт болох уг тоглолт Гэгээн хайрын баярын гэнэтийн арга хэмжээнүүдийн нэг яахын аргагүй мөн. Уг тоглолтыг Монгол, Солонгосын соёлын харилцааны хүрээнд зохион байгуулж байгаа аж. “Your Valentine” нэртэй уг тоглолтын тасалбарыг худалдаалж эхэлжээ.
Өмнөд Солонгосын поп оддын төлөөлөл болох Bloo 2016 онд “Tony” нэртэй анхны микстэйпээ гаргаж байжээ. Тэрбээр 2017 оны арванхоёрдугаар сард анхны цомгоо гаргасан бөгөөд “Downtown baby” дуу нь багтсан байна. Bloo амьдралынхаа түүхийг өөрийн өвөрмөц өнгө, хэв маягаар дүрслэн харуулдаг учир сонсогчид түүний хөгжимд илүү дуртай байдаг аж.
Эх сурвалж: Монголын үнэн сонин №001/24580/
°C
Сэтгэгдэл (0)
Сэтгэгдэл бичигдээгүй байна