Монголд төрсөн Элвис


“Авьяаслаг монголчууд-2016” шоуны ялагч, “Нуугдсан эрдэнэ” хэмээх тодотголтой О.Энх-Эрдэнэ "America’s Got Talent: Fantasy League" шоунд оролцон шуугиулж эхэллээ. Тэрбээр "Авьяаслаг америкчууд" шоуны шүүгчдийг гайхшируулж, шүүгч Хэйди Клумын багт багтсан байна. Шоуны шүүгчид О.Энх-Эрдэнийг “Ам барьж дуулж байгаа юм уу” гэж гайхан ярилцаж буй бичлэг олон нийтийн сүлжээнд цацагдаад байгаа юм.

Монголын телевизийн урлаг олон ангит Со­лонгос кино, хошин шогийн тоглолтоос өөр үзэх гавьтай контентгүй байсан үе бий. Харин дэл­хийн хэмжээний кон­тентуудыг албан ёсны зөвшөөрөлтэй оруулж ирснээр амралтын өдрүүдээр үзэгчдийг жинхэнэ утгаараа телевизорын өмнө уяж эхэллээ. Английн нэрт продюссер Саймон Коуэлын дэлхий даяар тарсан бүтээлийн нэг хэсэг “Авьяаслаг монголчууд” шоу ийм контентуудын нэг яах аргагүй мөн. “Авьяаслаг монголчууд” шоуны оролцогч бүр шинэ сонин содон, гайхалтай үзүүлбэрүүдээр үзэгчдийг баясгаж анх “Халтар царайт” хэмээх Венесуэлийн телевизийн олон ангит кино гарч байх үеийнх шиг гудамж хоосорч, хүн бүр өөрийн сонгосон оролцогчдыг дэмжин телевизорынхоо өмнө суун өндөлзөж байв. Тус шоуны оролцогчоос үзэгчдийн таашаалыг хамгийн их татсан оролцогчоор 2016 оны ялагч “Нуугдсан эрдэнэ” тодотголтой Эрдэнэт хотын залуу О.Энх-Эрдэнэ тодорсон гэдэгтэй маргах хүн одоо байхгүй биз. Шоуны хоёр дугаар улирлын ялагч О.Энх-Эрдэнийн дуулалт эхнээсээ л үзэгчдийг алмайруулж, тайзан дээр гарсан анхны тоглолтоороо үеийнхээ охидын зүрхийг байлдан дагуулж эхлэв. Тухайн үед залуу дуучны тоглолтыг үзэх гэж долоо хоногийн амралтын өдрүүдийг тэсэж ядан хүлээх шүтэн бишрэгч охидын тоо дугаараас дугаарын хооронд гэрлийн хурдаар өсөж байсан гэхэд хилсдэхгүй. Түүний дуулалтыг сонссон классик хөгжим сонирхогчид “Монголд төрсөн Элвис Пресли” хэмээн шагшран дуу алдаж байв. Би лав тэдгээр классик хөгжим сонирхогчидтой санал зөрөлдөөгүй юм даг. Түүний даруухан төрхөнд зохицсон аргил хоолой яг л Америкийн кантри хөгжмийн хэмнэлд зориулагдсан мэт. Тэрбээр “Авьяаслаг мон­голчууд” шоуны төгсгөлийн шатанд Майкл Бублегийн “Feеling good”-ийг дуулсан нь шүтэн бишрэгчдийнхээ цусыг хөөргөж, цөсийг нь буцалгаж орхив. Үл мэдэг инээмсэглэн дохих гарын донжтой хөдөлгөөн, америк үхэрчин залуусын хэв маягийн хувцаслалт нь үзэгчдийн дунд “даруухан монгол ковбой” дүр төрхийг бүрдүүлсэн. Ийнхүү сүр дуулиантай шоуны хоёрдугаар улирлын ялагч болсноосоо хойш хэсэг хугацаанд таг чиг байсан залуу цар тахлын хөл хорионы үеэр Цагаан сарын нэвтрүүлэгт оролцон шүтэн бишрэгчдэдээ гэнэтийн бэлэг барин баярлуулав.

“Монгол ковбой” О.Энх-Эрдэнэ 2019 онд АНУ-ын “CBS” телевизийн шоу нэвтрүүлэг болох “The World’s Best” тэмцээний шилдэг 13-т багтсан байдаг. Тэмцээний эхний шатанд “Amarillo By Morning”дууг классик кантри хоолойгоор дуулж эхлэхэд амаа ангайн гайхширах Дрью Бэрримор, Фэйт Хилл, итгэмээргүй дуу хоолойд автсан Өмнөд Африкийн дуучин Лира гайхширан гараа илж буй дүрс бичлэг монгол залуугаар бахархах омогшлыг төрүүлж билээ.  Дэлхийн нийт 38 орноос цугларсан туслах 50 гаруй шүүгчийг “Mongolia’s Got Talent” шоуны оролцогч алмайруулж орхисон. Энэ шоу нь дэлхийд алдартай UFC тулаанч, дуучин, жүжигчин, загвар өмсөгч гэх мэт олон улсын урлаг, спортын салбарын дэлхийд нэрд гарсан төлөөллүүд шүүгчдийнх нь бүрэлдэхүүнд багтдагаараа онцлогтой. Гэвч шигшээ тоглолтод О.Энх-Эрдэнэ, Энэтхэг улсаас оролцож буй төгөлдөр хуурч Лидиан Дазлстай өрсөлдөж, ялагдан шоугаа өндөрлүүлж байв.


Трамп Төмөрөө

Эх сурвалж: Монголын үнэн сонин №002/24581/


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Өрхийн эмнэлгүүдийг яамны харьяанд оруулах санал хэлэв 1 цагийн өмнө
Дүүрэг, хороодын Засаг дарга нартай сар болгон уулзаж, санал солилцоно 1 цагийн өмнө
УИХ: АТГ-ын даргаар З.Дашдавааг улираан томилов 4 цагийн өмнө
​ АТГ-ын даргаар З.Дашдавааг улираан томилох асуудлыг хэлэлцэж байна 22 цагийн өмнө
Сангийн сайд Б.Жавхлан: Гадаад валютын улсын нөөц таван тэрбум ам.долл… Өчигдөр
2026 оныг “Боловсролыг дэмжих жил” болголоо Өчигдөр
Монгол Улсын нутаг дэвсгэрээр дамжуулан ОХУ-аас БНХАУ руу байгалийн хи… Өчигдөр
“Эрдэнэс Тавантолгой”-н 2024 оны үлдсэн ногдол ашгийг энэ сард олгоно Өчигдөр
Ерөнхий сайд АТГ-ын даргаар З.Дашдавааг улираан томилох асуудлыг танил… Өчигдөр
Улаанбаатарт 14 хэм дулаан байна Өчигдөр
Донорын тухай хуулийн хэрэгжилтийн талаар сайдын мэдээллийг сонслоо Өчигдөр
УИХ-ын гишүүн Х.Баасанжаргал “Иргэдээ сонсъё” уулзалтад оролцлоо Өчигдөр
Улаанбаатарт 8 хэм дулаан байна 2025/04/01
Монгол Улсыг хөгжүүлэх 5 жилийн үндсэн чиглэл, Засгийн газрын үйл ажил… 2025/03/31
Дуурийн хатан хаан 2025/03/31
Доктор Л.Түдэвийн долоон үг... 2025/03/31
Түүхэн хожлын эзэн “Бишрэлт Металл” 2025/03/31
​ Ким Жэ Бумаар удирдуулсан БНСУ-ын шигшээ багийн тамирчид Монголд ир… 2025/03/31
Нийтийн эзэмшлийн талбайг хашаалсан автомашины зогсоолыг чөлөөлөх, ТҮЦ… 2025/03/31
УИХ-ын гишүүн Ж.Чинбүрэн, Г.Тэмүүлэн нар Ерөнхий сайдад асуулга тавила… 2025/03/31