Шилдгийн шилдэг намын байгууллагаар Хөвсгөл аймгийн МАН-ын хороо шалгарлаа

МАН-ын удирдах ажилтны улсын зөвлөгөөний үеэр улсын хэмжээнд ажиллаж буй МАН-ын бүх хорооноос намын тэргүүний анхан шатны байгууллагаар 30 хороог шалгаруулав. Тухайлбал, өнгөрсөн оны шилдгийн шилдэг байгууллагаар Хөвсгөл аймгийн МАН-ын хороо шалгарсан юм. Мөн үр бүтээлтэй, жендэрийн мэдрэмжтэй, шилдэг зохион байгуулалттай намын байгууллагуудыг нэрлэв.

Шилдгийн шилдэг байгуул­лагаар шалгарсан Хөвсгөл аймгийн МАН-ын хорооны дарга Л.Төмөрбаатарын сэт­гэгд­лийг хуваалцсан юм. Тэрбээр “Бид 2023 онд дэвшүүлсэн зорилго зорилтынхоо хүрээнд гишүүд, дэмжигч бүрдээ хүрч, тэднийг идэвхжүүлж ажиллахын зэрэгцээ ажиллах орчин нөхцөлийг сайжруулах, материаллаг баазыг бэхжүүлэх чиглэлд томоохон хэмжээний хөрөнгө оруулалт хийсэн. Энэ мэтчилэн хийсэн ажил, хэлэх үгтэй жил болж өнгөрсөн. Үүнийг төв байгууллага өндрөөр үнэлсэнд талархаж байна. Нөгөө талаараа энэхүү шагнал биднийг цаашид илүү сайн, хариуцлагатай ажиллаарай гэсэн үүрэг даалгавар гэж ойлгож байна” хэмээгээд бүсчилсэн хөгжлийн бодлого, реформын тухайд “Бүсчилсэн хөгжил бол аймаг, орон нутаг дутуугаа нөхөх, дундуураа гүйцээх боломж гэж харж байгаа. Хойд бүсэд багтаж буй Орхон аймаг Монгол Улсын аж үйлдвэрийн бүтээгдэхүүний дийлэнх хувийг бүрдүүлдэг “Эрдэнэт” үйлдвэртэй. Хөвсгөл аймаг бол аялал жуулчлалын тулгуур бүс бол Булган аймаг газар тариалан, эрчимжсэн мал аж ахуйн чиглэлээр хөгжих бүрэн боломжтой. Тиймээс тухайн гурван аймаг нэг бүс болж, цаашид хамтарч бүсчилсэн бодлогыг хэрэгжүүлснээр нэгнийхээ дутууг нөхөж, тулгамдсан асуудлыг бүс нутгийн хэмжээнд шийдвэрлэх бүрэн боломжтой” хэмээн байр сууриа илэрхийлэв. 

Монголын үнэн сонин шилдэг намын байгууллагуудыг цувралаар танилцуулах болно.

2023 ОНЫ ШИЛДЭГ НАМЫН БАЙГУУЛЛАГА

Шилдгийн шилдэг намын байгууллага

            Хөвсгөл аймгийн Монгол Ардын Намын хороо

Жендэрийн мэдрэмжтэй намын байгууллага

            Ховд аймгийн Монгол Ардын Намын хороо

Үр бүтээлтэй намын байгууллага

            Өмнөговь аймгийн Монгол Ардын Намын хороо 

            Сүхбаатар аймгийн Монгол Ардын Намын хороо 

Шилдэг менежменттэй намын байгууллага

            Дархан-Уул аймгийн Монгол Ардын Намын хороо 

            Дорноговь аймгийн Монгол Ардын Намын хороо 

            Өвөрхангай аймгийн Монгол Ардын Намын хороо

Шилдэг зохион байгуулалттай намын байгууллага

            Архангай аймгийн Монгол Ардын Намын хороо

            Баянзүрх дүүргийн Монгол Ардын Намын хороо

Шилдэг намын байгууллага 

            Сүхбаатар дүүргийн Монгол Ардын Намын хороо 

            Төв аймгийн Монгол Ардын Намын хороо

2023 ОНЫ УЛСЫН ТЭРГҮҮНИЙ НАМЫН АНХАН ШАТНЫ БАЙГУУЛЛАГА

1. Архангай-Өлзийт сумын МАН-ын хороо

2. Баян-Өлгий-Цэнгэл сумын МАН-ын хороо

3. Баянхонгор-Гурванбулаг сумын МАН-ын хороо

4. Булган-Тэшиг сумын МАН-ын хороо

5. Говь-Алтай-Есөнбулаг сумын МАН-ын хороо

6. Говьсүмбэр-Шивээговь сумын МАН-ын хороо

7. Дархан-Уул-Дархан сум сумын МАН-ын хороо

8. Дорноговь-Сайншанд сумын МАН-ын хороо

9. Дорнод-Дашбалбар сумын МАН-ын хороо

10. Дундговь-Цагаандэлгэр сумын МАН-ын хороо

11. Завхан-Тосонцэнгэл сумын МАН-ын хороо

12. Орхон-Баян-Өндөр сумын МАН-ын хороо

13. Өвөрхангай-Богд сумын МАН-ын хороо

14. Өмнөговь-Цогт-Овоо сумын МАН-ын хороо

15. Сүхбаатар-Онгон сумын МАН-ын хороо

16. Сэлэнгэ-Ерөө сумын МАН-ын хороо

17. Төв-Борнуур сумын МАН-ын хороо

18. Увс-Баруунтуруун сумын МАН-ын хороо

19. Ховд-Зэрэг сумын МАН-ын хороо

20. Хөвсгөл-Мөрөн сумын МАН-ын хороо

21. Хэнтий-Баянхутаг сумын МАН-ын хороо 

22. Баянгол-14-р хорооны МАН-ын хороо 

23. Баянзүрх-15-р хорооны МАН-ын хороо

24. Сүхбаатар-10-р хорооны МАН-ын хороо

25. Чингэлтэй 12-р хорооны МАН-ын хороо

26. Сонгинохайрхан-36-р хорооны МАН-ын хороо

27. Хан-Уул-15-р хорооны МАН-ын хороо

28. Багануур-1-р хорооны  МАН-ын хороо

29. Багахангай 1-р хорооны МАН-ын хороо

30. Налайх-5-р хорооны МАН-ын хороо

Эх сурвалж: Монголын үнэн сонин №015/24594/