Эртний монгол хийцийг илэрхийлсэн хувцсыг орчин үеийн хамгийн үнэ цэнтэй хэрэглээ болгосон дизайнер бол О.Уранцэцэг. 10 гаруй жил үйл ажиллагаа эрхэлсэн “Эртний монгол хийц” урлангаар өв соёлоо дээдлэгчид үйлчлүүлдэг. Зайсанд байрлах урлангаа тохижуулахдаа тэрбээр интерьер, дизайны хувьд анхаарлаа төвлөрүүлж, сэтгэн бодох талаас нь төлөвлөсөн ч үйлчлүүлэгчдийн сэтгэл ханамжид өөрийн эрхгүй нөлөөлж эхэлжээ. Эл урлангаас XXI зууны сэтгэлгээний онцлогийг шингээсэн бүтээлүүд, үр хүүхдэдээ өвлүүлэх өв хөрөнгө төрдөг гээд бодохоор бахархууштай. Дээлний босоо, дөрвөлжин зах нь О.Уранцэцэг дизайнерийн оюуны бүтээл юм. Тус салоны албан ёсны ганц модель нь Ховд аймгийн Манхан сумын харьяат, 90 гаруй настай Баажайн Оролмаа гуай билээ.
Эх сурвалж: Монголын үнэн сонин №015/24594/
°C
Сэтгэгдэл (0)
Сэтгэгдэл бичигдээгүй байна