Үс засуулбал эд, мал арвидна

2024-04-22. Даваа гараг / БИЛГИЙН ТООЛЛЫН: 14.

Наран ургах шингэх: 05:49 -19:52.

Үс засуулбал: Эд мал арвижих сайн.

Барилдлага: Үл зохилдохын барилдлагатай өдөр.

Билгийн тооллын хаврын сүүл шар луу сарын шинийн 14-ний өдөр. Зургаан цагаан мэнгэтэй, гал суудалтай, дүвзий 12, 0 жэдзий 12 одтой, улаан луу өдөр. Үл зохилдохын барилдлагатай өдөр. Шүтэн барилдлага сэрэхүй.
Өдрийн сайн цаг: Бар (03:40-05:40), луу (07:40-09:40), могой (09:40-11:40), бич (15:40-17:40), тахиа (17:40-19:40), гахай (21:40-23:40) болой.
Нохой жилтэй хүмүүний сүлд өдөр.
Хулгана, бич жилтэй хүмүүст энэ өдөр цаг харгалзахгүй аливаа үйлийг хийхэд сайн.
Бусад жилтэй хүмүүс аливаа үйлийг хийхэд сайн цагийг баримталж хийвэл зохилтой.
Хол газар явагсад хойд зүгт мөрөө
гаргавал өлзийтэй сайн.
Хүний сүлд чих, толгой, эрүү, шанаа, ходоодонд орших болой.
Энэ өдөр хишиг даллага авахуулах, эм тан залах, найруулах, зурхай дэмбэрэл зуруулах, хүүхдэд нэр өгөх, үрчилж авах, худалдаа наймаа хийх, малын зан үйл үйлдэх, ад, хараал, хэл ам буцаах засал дором хийлгэх, хорт муу зуршлаас татгалзах зэрэг үйлд сайн.