Ном бичгийн үйл эхлэхэд сайн

2024-05-13. Даваа гараг / БИЛГИЙН ТООЛЛЫН: 6.

Наран ургах шингэх: 05:16 -20:21.

Үс засуулбал: Өнгө зүс сайжрах сайн.

Барилдлага: Үхэхийн барилдлагатай өдөр.

Билгийн тооллын зуны эхэн шарагчин могой сарын шинийн 6-ны өдөр. Гурван хөх мэнгэтэй, уул суудалтай, дүвзий 6, 1 жэдзий 7 одтой, улаагчин үхэр өдөр. Үхэхийн барилдлагатай өдөр. Шүтэн барилдлага авахуй.
Өдрийн сайн цаг: Бар (03:40-05:40), туулай (05:40-07:40), могой (09:40-11:40), бич (15:40-17:40), нохой (19:40-21:40), гахай (21:40-23:40) болой. Нохой жилтэй хүмүүний сүлд өдөр.
Могой, тахиа жилтэй хүмүүст энэ өдөр цаг харгалзахгүй аливаа үйлийг хийхэд сайн. Бусад жилтэй хүмүүс аливаа үйлийг хийхэд сайн цагийг баримталж хийвэл зохилтой.
Хол газар явагсад баруун хойд зүгт мөрөө гаргавал өлзийтэй сайн. Хүний сүлд зүрх, хацар, гуяд орших болой.
Энэ өдөр ном бичгийн үйл эхлэх, зарлиг гаргах, бичиг баримт тамгалуулж батлуулах, газар тариалангийн үйл хийх, лус тахиулах, мод тарих, гэр байшин барих, замд гарах, өвчин эмнэж эхлэх, ялангуяа эр хүний өвчин засаж эхлэх, дарханы үйл эхлэх, адуун сүрэг салгах, өөд бологчийн зан үйл үйлдэх зэрэг үйлд сайн.
Голомт залгамжилж авах, харь газарт нүүх, ямарваа юманд нэр өгөх, шинэ ажил алба хүлээж авах, дарцаг хатгах зэрэг үйлд муу.