Дэлхийн уран зохиолын онцлох үйл явдлуудын нэг “Бүүкер”-ийн шагналыг Германы зохиолч Женни Эрпенбектэд гардууллаа. Тэрбээр "Каирос" романаараа энэхүү нэр хүндтэй шагналын эзэн болсон юм. Шагнал гардуулах ёслол Лондон хотноо болжээ. Номын үйл явдал 1989 онд Берлиний ханыг нураахаас өмнөх үед өрнөдөг. Женни Эрпенбект зохиолынхоо тухай “Энэ бол агуу хайрын түүх, бүхэл бүтэн улс төрийн тогтолцоо сүйрсэн тухай өгүүлдэг. Энгийнээр хэлбэл, эхэндээ зөв мэт санагдаж байсан зүйл хэрхэн буруу болж хувирахын бодит жишээ” гэж ярьжээ. Тэрбээр шагналын 50 мянган фунт стерлингээ журмын дагуу англи хэл рүү орчуулсан Германы яруу найрагч Майкл Хофмантай хуваалцах ёстой.
“Бүүкер”-ийн шагнал бол Английн уран зохиолын дэлхийн хамгийн нэр хүндтэй шагналуудын нэг юм. 2013 он хүртэл энэ шагналыг Хамтын нөхөрлөлийн аль нэг улсад амьдардаг зохиолч англиар бичсэн романых нь төлөө олгодог байв. Харин 2014 оноос хойш уг шагналыг зохиолчийн харьяаллаас үл хамааран англи хэлээр бичсэн романд олгодог болжээ.
Эх сурвалж: Монголын үнэн сонин №020/24599/
°C
Сэтгэгдэл (0)
Сэтгэгдэл бичигдээгүй байна