Гепатитын D вирусийн халдвартай иргэдийн эмийн зардлыг улсын төсвөөс гаргахаар боллоо. Тодруулбал, Засгийн газрын ээлжит хуралдаанаар уг асуудлыг хэлэлцээд D вирусийн халдвартай иргэдийн эмийн зардлыг холбогдох хуульд нийцүүлэн улсын төсвөөс хариуцахаар зохицуулан 2024 оны батлагдсан төсвийн багцаасаа шийдвэрлэх, 2025 оноос эхлэн жил бүрийн улсын төсөвт тусгах арга хэмжээ авахыг Эрүүл мэндийн сайд С.Чинзориг, Сангийн сайд Б.Жавхлан нарт даалгалаа. Гепатитын D вирусийн халдвар В вирусийн халдвартай хавсарч явагддаг бөгөөд дэлхийд гепатитын В вирусийн халдвартай хүмүүсийн таван хувь орчимд нь гепатитын D вирусийн халдвар хавсарсан байдаг бол Монгол Улсад 36.5 хувь буюу 70 гаруй мянган хүн байдаг нь дэлхийд хамгийн өндөр үзүүлэлт юм. Дэлхий дахинд гепатитын D вирусийг эмчлэх шинэ эмүүдийн нэг бол элэгний эсэд D вирус нэвтрэхийг саатуулах үйлчилгээтэй “Булевиртид” аж. Одоогоор энэ эмийг Европын холбооныхон болон ОХУ-д эмчилгээнд ашиглаж байна.
Эх сурвалж: Монголын үнэн сонин №022/24601/
°C
Сэтгэгдэл (0)
Сэтгэгдэл бичигдээгүй байна