Хүлээлтээс давсан кинонууд

Кино сонирхогчдын дунд хамгийн их хүлээлт үүсгэж буй 2025 онд нээлтээ хийх бүтээлүүдийг танилцуулж байна. 

“Хэнд ч танил биш”

Гарах огноо: 2024 оны арванхоёрдугаар сар

Төрөл: Намтарчилсан, хөгжимт

Улс: АНУ

Найруулагч: Жеймс Манголд

Зохиолч: Жей Кокс, Жеймс Манголд

Жүжигчид: Тимоти Шаламет, Элле Фэннинг, Эдвард Нортон, Бойд Холбрук, Моника Барбаро,  Дэн Фоглер, Скут Макнари

Агуу хөгжимчин, утга зохиолын Нобелийн шагналт Боб Диланы залуу насыг дэлгэцнээ мөнхөлсөн кино Зул сарын баяраар АНУ-д нээлтээ хийнэ. “A Complete Unknown” буюу “Хэнд ч танил биш” кинонд 1965 онд Ньюпортын хөгжмийн наадамд шуугиан тарьсан буй  Боб Диланы карьер, намтрыг харуулдаг. Энэхүү бүтээлийг ирэх сард дэлхийн кино театруудын топ үзвэр болж, “Оскар”-ыг  хошуучилна гэж кино шүүмжлэгчид үнэлсэн. Диланы дүрд Тимоти Шаламет тоглосон. Сонирхолтой нь, Бенедикт Камбербэтч алдарт дуучны зөвлөгч Пит Сигерийн дүрийг бүтээх байсан ч зураг авалт давхцан татгалзжээ. Улмаар уг дүрийг Эдвард Нортон бүтээсэн байна.  Найруулагч Жеймс Манголд “Логан”, “Форд Феррари”, “Индиана Жонс ба Хувь заяаны хүрд” зэрэг киногоороо үзэгчдийн танил болсон юм.

“Микки 17”

Гарах огноо: 2025 оны нэгдүгээр сарын 31

Төрөл: Уран зөгнөлт, инээдмийн, адал явдалт

Улсууд: Их Британи , АНУ

Найруулагч: Бон Жун Хо

Зохиолч: Бон Жун Хо, Эдвард Эштон

Жүжигчид: Роберт Паттинсон, Наоми Акки, Тони Коллет, Марк Руффало, Ангус Имри, Стивен Йен, Томас Тюргуз, Дэниел Хеншалл, Стив Парк

“Шимэгч” киноны найруулагчийн нийгмийн өнгө аяс бүхий гайхалтай зураглалтай шинэ бүтээл ирэх сард нээлтээ хийнэ. 2020 оны “Оскар”-ын наадмаас голлох дөрвөн шагналыг хүртсэн Бон Жун Хугийн ээлжит кино “Микки 17” буюу  “Mickey 17” үзэгчид төдийгүй шүүмжлэгчдийн дунд хүлээлттэй байна.  Микки бол сансрын экспедицийн “нэг удаагийн ажилтан” энгийнээр хэлбэл клон загвар юм. Нифлхайм гэх нууцлаг, мөсөн гаргийг колоничлохын тулд Миккийг амь өрссөн, аюултай даалгаварт ашиглана. Микки амиа алдах үед оюун ухаан нь дараагийн клон руу шилжиж, үргэлжлүүлэн ажилладаг. Ийнхүү Микки долоон удаа үхэж, дахин сэрэхдээ төсөөлөөгүй зүйлтэй нүүр тулж буйгаар кино  үргэлжилнэ. Зохиолыг Эдвард Эштоны “Микки 7” романаас  сэдэвлэн бичжээ. Зохиолч Эдвард Эштон найруулагч Бон Жун Хуг “суут ухаантан” хэмээн ярилцлагадаа магтан дурджээ. “Warner Bros” кино компани өнгөрсөн гуравдугаар сард нээлтээ хийхээр товлосон ч Холливудын ажил хаялт, продакшнуудын хямралаас улбаалан хойшлуулжээ.

“Хуулиас гадуур”

Гарах огноо: 2025 оны нэгдүгээр сар

Төрөл: Тулаант

Улс: Их Британи, АНУ

Найруулагч: Гай Ричи

Зохиолч: Гай Ричи

Жүжигчид: Хенри Кавилл, Эйза Гонзалес, Жейк Жилленхол, Розамунд Пайк, Фишер Стивенс, Эмметт Жей Сканлан, Кристиан Очоа

Гэмт хэрэгтнүүдээс дээрэмдсэн мөнгөө ядуу ардад тараадаг Робин Гүүдийн адал явдлаас сэдэвлэсэн бүтээл.  Найруулагч Гай Ричи гэмт хэрэг, цуст алаан хядааныг инээдмийн аргатай тун энгийнээр хослуулж, ёжлол элэглэлийг гаргаж  чаддагаараа яалт ч үгүй кино ертөнцөд ялгардаг.

“Ухаалаг залуус”

 Гарах огноо: 2025 оны гуравдугаар сарын 21

Төрөл: Гэмт хэрэг

Улс: АНУ

Найруулагч: Барри Левинсон

Зохиолч: Николас Пилегги

Жүжигчид: Роберт Де Ниро, Космо Жарвис, Дебра Мессинг, Кэтрин Нардуччи, Уоллес Лангхэм, Мэтт Сервитто, Кэрри Лазар

Энэхүү кино төслийг 1970-аад оны үеэс ярьж эхэлсэн ч томоохон студиуд янз бүрийн шалтгаанаар татгалзжээ. Киноны үйл явдал 1950-иад онд Женовезе, Костелло гэсэн дайтаж буй мафийн овгийнхон дунд өрнөдөг. Нэгэн өдөр Вито Женовезе өрсөлдөгчөө алах оролдлого зохион байгуулав. Фрэнк Костелло зугтаж, мафийн амьдралыг орхихоор шийднэ. Барри Левинсоныг “Борооны хүн” киноны найруулагч гэдгээр нь  үзэгчид мэддэг. Пилеггийн зохиолуудаас сэдэвлэн Скорсезе “Казино”, “Ухаалаг залуус” зэрэг гэмт хэргийн драм найруулсан. “Алтан бөмбөрцөг”, “Оскар”-ын шагналт Роберт Де Ниро мафи, гангстер төрлийн оргил, сонгодог бүтээл гэгддэг “Загалмайлсан эцэг”, “Америкт нэг удаа” кинонд гол дүр бүтээсэн давтагдашгүй жүжигчин. Тиймээс ээлжит кино нь үзэгчдийн дунд хүлээлттэй байна.

“Кинон дахь Minecraft”

Гарах огноо: 2025 оны дөрөвдүгээр сар

Төрөл: Уран зөгнөлт, тулаан, адал явдалт

Улсууд: АНУ, Швед, Их Британи

Найруулагч: Жаред Хэсс

Зохиолч: Крис Боуман, Роб Макэлхенни, Хаббелл Палмер

Жүжигчид: Жек Блэк, Эмма Майерс, Жейсон Момоа, Женнифер Кулидж, Жемайн Клемент, Кейт МакКиннон, Даниел Брукс

Натали тэргүүтэй өсвөр насныхан хачирхалтай куб ертөнцөд өөрсдийгөө олдог. Залуус гэртээ харихыг хүссэн ч улам л хэцүү болно. Эхлээд тэд хачин ертөнцийн дүрмийг ойлгож, хорон санаатнуудыг ялах хэрэгтэй. Үүнд сэтгэл татам Жэк Блэкийн тоглосон туршлагатай тоглогч Стив туслах болно. Наталигийн дүрд “Лхагва гараг”  киноны жүжигчин Эмма Майерс тогложээ.

“Майкл”

Гарах огноо: 2025 оны дөрөвдүгээр сар

Төрөл: Намтарчилсан, хөгжимт

Улсууд: АНУ, Их Британи

Найруулагч: Антуан Фукуа

Зохиолч: Жон Логан

Жүжигчид: Жафар Жексон, Майлс Теллер, Кэт Грэм, Кайлин Даррелл Жонс, Колман Доминго, Ниа Лонг, Лаура Харриер, Жессика Сула

Попын хаан Майкл Жексоны хувийн болон уран бүтээлийн амьдралын чухал мөчүүд, аавтайгаа таагүй харилцаатай байсан тухай кино ирэх онд нээлтээ хийнэ. Гол дүрд  "Jackson 5" хамтлагийн дуучин Жермен Жексоны хүү Жафар тогложээ. Мартин Скорсезегийн “Нисэгч”, Ридли Скоттын “Гладиатор” киног бичсэн Жон Логан  зохиолчоор ажиллажээ. Найруулагч Антуан Фукуа “Жафартай сонгон шалгаруулалтын үеэр уулзахад яг л "Bohemian Rhapsody" кинонд Фредди Меркурийн дүрд Рами Малекийг сонгосон “цор ганц сонголт" гэх мэдрэмж төрсөн. Авга ах Майкл Жексонтой биеийн хэлэмжийн хувьд ч төстэй төдийгүй камертай харьцах гайхалтай ур чадвартай залуу. Дэлхий ертөнцөд  попын хааныг тэр л эргэн амьдруулж чадна” гэжээ.

“Балерина”

Гарах огноо: 2025 оны зургадугаар сар

Улс: АНУ

Төрөл: Адал явдал, триллер

Найруулагч: Лен Визман

Зохиолч: Шей Хэттен, Дерек Колстад

Жүжигчид: Ана де Армас, Киану Ривз, Каталина Сандино Морено, Норман Ридус, Лэнс Реддик, Иан МакШейн, Анжелика Хьюстон, Дэвид Кастанеда

Ив бол балетын сургуулийн төгсөгч. Багадаа шивээстэй эр аавыг нь хөнөөхийг харсан бөгөөд аллага зохион байгуулсан хүмүүсээс өшөөгөө авахыг хүсдэг. Киног Жон Уикийн франчайзын ангиллаар бүтээж, гэмт хэргийн ертөнцийн хөшигний арыг илчилнэ. Жоноос ялгаатай нь амьдралаас залхаж амжаагүй дүр. Энэхүү кинонд “Бонд”-ын охин Ана де Армас,  Киану Ривз нар тогложээ.

“Формула 1”

Гарах огноо: 2025 оны зургадугаар сар

Төрөл: Драма

Улс: АНУ

Найруулагч: Жозеф Косински

Зохиолч: Эрен Крюгер

Жүжигчид: Брэд Питт, Керри Кондон, Тобиас Мензис, Хавьер Бардем, Симон Эшли, Калли Күүк, Ким Бодни, Дамсон Идрис, Сара Нилс, Самсон Кае

Сонни Хэйс “Формула 1”-д уралдаж, шилдгүүдийн нэгд тооцогдож байсан үе бий. 20 жилийн дараа түүнийг “Формула 1”-д эргэн ирж, залуу нисгэгч Жошуа Пирсийн дасгалжуулагчаар ажиллахыг урина. Киноны гүйцэтгэх продюсерээр дэлхийн долоон удаагийн аварга, шилдэг  уралдаанчдын нэг Льюис Хэмилтон ажиллажээ. 300 сая ам.долларын асар өндөр төсөвтэй бүтсэн тус киног IMAX камераар авсан. Зураг авалтын багийнхан “Формула 1”-ийн машин, механикийг ашиглажээ. Брэд Питт, Дамсон Идрис нар энэхүү кинонд тоглохын тулд уралдааны машин жолоодож сурсан байна.

“Супермэн:

Өв залгамжлал”

Гарах огноо: 2025 оны долдугаар сар

Төрөл: Шинжлэх ухааны зөгнөлт, уран зөгнөлт, тулаант, адал явдал

Улс: АНУ

Найруулагч: Жеймс Ганн

Зохиолч: Жеймс Ганн, Жерри Сигел , Жо Шустер

Жүжигчид: Исабела Мерсед, Дэвид Коренсвет, Милли Алкок, Натан Филион, Николас Холт, Фрэнк Грилло, Рэйчел Броснахан, Вендел Пирс, Скайлер Жисондо

Кларк Кент 25 настай, “Дэйли планет” сонинд ажилладаг бөгөөд шөнө нь  Супермэн болж Метрополис хотод гэмт хэрэгтнүүдтэй тулалддаг. Кларкийн өрсөлдөгч бол бизнесмен Лекс Лютор.  Гэхдээ Супермэний хувьд  хамгийн хэцүү тулаан бол Лютортой сөргөлдөөн биш, харин хүн төрөлхтнийг Криптон гарагтай эвлэрүүлэх оролдлого юм. Найруулагчийн хэлснээр шинэ “Супермэн” өмнөх бүтээлүүдээсээ эрс ялгаатай.

“Бактан загалмайн төлөөх тулаан”

Гарах огноо: 2025 оны наймдугаар сар

Төрөл: Триллер, драм

Улс: АНУ

Найруулагч: Пол Томас Андерсон

Зохиолч: Пол Томас Андерсон

Гол дүрд: Леонардо Ди Каприо, Шон Пенн, Бенисио Дел Торо, Вуд Харрис, Чейс Инфинити, Регина Холл, Тейана Тейлор, Алана Хайм, Жим Андерсон

Пол Томас Андерсон бол орчин үеийн хамгийн нууцлаг найруу­лагчдын нэг. Түүний бүх кино нээлтээ хийхээс өмнө цуурхал, таамаглалаар дүүрэн байдаг.  “Винеланд” постмодерн романаас сэдэвлэсэн уг киноны үйл явдал 1980-аад оны Калифорнид өрнөнө. Үндсэн сэдэв нь Ерөнхийлөгч Ричард Никсоны маргаантай бодлого, муж улсын хар тамхины эсрэг дайныг тойрсноороо шинэлэг.

“Чи намайг харж байна 3”

Гарах огноо: 2025 оны арваннэгдүгээр сар

Төрөл: Триллер

Улс: АНУ

Найруулагч: Рубен Флейшер

Зохиолч: Сет Грахам-Смит, Гэвин Жеймс , Майкл Лессли

Жүжигчид: Розамунд Пайк, Даниел Рэдклифф, Ариана Гринблат, Шударга Смит , Морган Фриман, Лиззи Каплан, Вуди Харрелсон, Исла Фишер, Жесси Эйзенберг, Марк Руффало

Авьяаслаг хууран мэхлэгчдийн “Дөрвөн морьтон” шоу эргэн ирлээ. Шинэ ангид илбэчдийг ямар адал явдал хүлээж байгаа нь тодорхойгүй байна.

“Зоотопи 2”

Гарах огноо: 2025 оны арваннэгдүгээр сар

Төрөл: Хүүхэлдэйн кино

Улс: АНУ

Найруулагч: Жаред Буш

Зохиолч: Жаред Буш

Дуу оруулсан: Жейсон Бэйтман, Фортун Фэймстер, Жиннифер Гүүдвин, Ке Хуй Куан

Хүүхэлдэйн киноны үргэлжлэлд гол дүрүүд болох Ник үнэг, Жуди туулай нар ээдрээтэй хэргийг шалгаж, хортой могой Гарийг гэмт этгээд гэж таамаглана.

 Эх сурвалж: Монголын үнэн сонин №046/24625/