Б.Зул
Индонезийн Бали хотноо өсвөрийн шатарчдын Азийн аварга шалгаруулах тэмцээн болж өндөрлөлөө. Тус тэмцээнд Азийн 20 орны 462 өсвөрийн шатарчин ур чадвар, сэтгэлгээ оюун ухаанаараа өрсөлдсөн юм. Монгол Улсаас Монголын шатрын холбооны ерөнхийлөгч Э.Гурванбаатар, МШХ-ны Удирдах зөвлөлийн нарийн бичгийн дарга Ч.Баттүвшин нараар удирдуулсан 36 өсвөрийн тамирчин, дасгалжуулагч оролцов. Монгол Улсын тамирчид хувийн дүнгээр найм, багийн төрөлд 17, нийт 25 медаль хүртжээ.
Төв аймгийн 52 дугаар дунд сургуулийн “Хан-Алтай” клубын тамирчин, спортын дэд мастер Э.Хүслэн стандарт буюу сонгодог төрөлд Ази тивийн аварга цол хүртсэн Монголын 10 дахь шатарчин болсон бөгөөд энэ амжилтаараа дэлхийн шатрын холбооны мастер цолны болзол хангасан байна.
Үүнээс гадна Говьсүмбэр аймгийн “Мончесс” академийн тамирчин М.Маргад стандарт төрлийн Ази тивийн аварга шалгаруулах тэмцээний 36 дахь медалийг эх орондоо авчирчээ.
Сэтгэгдэл (0)
Сэтгэгдэл бичигдээгүй байна