УИХ-ын чуулганы өнөөдрийн үдээс хойшх хуралдаанаар Ж.Мөнхбатыг УИХ-ын гишүүнээс чөлөөлөх хүсэлтийг хэлэлцэн шийдвэрлэв. Төрийн байгуулалтын байнгын хорооны дүгнэлтийг УИХ-ын гишүүн Н.Энхболд танилцуулав.
Ж.Мөнхбат өргөдөлдөө ээжийнх нь биеийг гадаадад эмчлүүлэх шаардлагатай, өөрийг нь авлига, хээл хахуулийн хэрэгт холбон шуугиж байгаатай холбогдуулан УИХ-ын гишүүнээсээ чөлөөлөгдөж, хуулийн байгууллагад шалгуулахад бэлэн гэдгээ дурдсан байлаа.
Төрийн байгуулалтын байнгын хорооны хуралдаанаар Ж.Мөнхбатыг УИХ-ын гишүүнээс чөлөөлөх өргөдлийг хүлээж авахыг дэмжсэн дүгнэлт гаргасан байна.
Чуулганы хуралдаанд УИХ-ын гишүүн Б.Энхбаяр, Ш.Адьшаа нар асуулт тавьж, хариулт авлаа. Дараагаар нь Ж.Мөнхбатыг УИХ-ын гишүүнээс чөлөөлөхийг чуулганы хуралдаанд оролцсон гишүүдийн 59 хувийн саналаар дэмжив.
Ингээд Ж.Мөнхбатыг УИХ-ын гишүүнээс чөлөөлөх тухай УИХ-ын тогтоолын төслийг баталлаа.
Засгийн газрын гишүүнээс чөлөөлөх асуудлыг маргаашийн нэгдсэн хуралдаанаар хэлэлцэх юм байна. Ийнхүү өнөөдрийн чуулганы нэгдсэн хуралдаан өндөрлөлөө.
Н.Энх
°C
Сэтгэгдэл (0)
Сэтгэгдэл бичигдээгүй байна