Халдашгүй байдлын дэд хороо хуралдаж байна. УЕП-оос УИХ-ын даргад Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг нь түдгэлзүүлэн шалгах санал ирүүлсэн юм. УИХ-ын гишүүний Халдашгүй байдлын дэд хорооны хуралдаанааар гурван гишүүнээс тус бүрд нь тайлбар авч, хүргүүлдэг.
УИХ-ын Халдашгүй байдлын дэд хороо гурван гишүүний бүрэн эрхийг түдгэлзүүлэх эсэхийг хэлэлцэж, нууцаар санал хураана. УИХ-ын тухай хуулийн 28.6.Улсын Их Хурлын гишүүний халдашгүй байдлын дэд хороо Улсын Их Хуралд хамгийн олон удаа сонгогдсон таван гишүүнээс бүрдэх бөгөөд Улсын Их Хурлыг хугацаанаас нь өмнө тараах, гишүүний бүрэн эрхийг түдгэлзүүлэх, эгүүлэн татах талаар энэ хуульд заасан эрх бүхий байгууллага, албан тушаалтнаас Улсын Их Хуралд ирүүлсэн саналыг судалж санал, дүгнэлт гарган зохих Байнгын хорооны болон нэгдсэн хуралдаанд оруулна.
УИХ-ын Халдашгүй байдлын дэд хорооны даргаар Ц.Мөнх-Оргилыг сонгосон бөгөөд бүрэлдэхүүнд нь УИХ-ын гишүүн Н.Энхболд, С.Батболд, Б.Бат-Эрдэнэ, С.Бямбацогт нар багтдаг юм.
УИХ-ын Халдашгүй байдлын дэд хорооны дүгнэлтийн дараагаар УИХ дахь МАН-ын бүлэг байр сууриа илэрхийлнэ гэдгээ мэдэгдсэн.
Н.Нягт
°C
Сэтгэгдэл (0)
Сэтгэгдэл бичигдээгүй байна