ВИДЕО: Шүүн таслах ажиллагаанд хөндлөнгөөс оролцож болохгүй

УИХ-ын гишүүдийг чөлөөлөх асуудлыг нээлттэй хэлэлцэх эсэхийг УИХ-ын Тамгын газар судлаарай

10:10 цаг: 

УИХ-ын чуулганы нэгдсэн хуралдаан эхэллээ. Хуралдаанаар хэлэлцэх асуудлын дарааллыг танилцуулсны дараагаар гишүүд горимын санал хэлэв. 

УИХ-ын гишүүн Н.Алтанхуяг "хуулийн байгууллага хүмүүсийн нэрийг зарлаад, дараа нь хаалттай хэлэлцэж байна. Хуулийн байгууллагынхан хүний нэр төрд халдаж болохгүй. Шударга бус зүйлийн төлөө тэмцэж байгаа нь сайн хэрэг. Дундаж давхрагаа яаж босгох вэ гэдгээ яримаар байна. Бизнесүүдээ яаж дэмжих вэ"" гэдгийг хэлэлцэх хэрэгтэй" гэв. 

УИХ-ын дарга Г.Занданшатар "Үнийн өсөлттэй холбоотой асуудлаар Эдийн засгийн байнгын хороо ажиллаж байна. Шүүн таслах ажиллагаанд хөндлөнгөөс оролцож болохгүй гэдгийг Үндсэн хуулийн 49.2-т заасан. Бид энэ шүүхийн ажиллагаанд нөлөөлвөл Үндсэн хууль зөрчсөн хэрэг болно.

УИХ-ын гишүүдийг чөлөөлөх асуудлыг нээлттэй хэлэлцэх эсэхийг УИХ-ын Тамгын газар судлаарай"  хэмээв. 

Ингээд “Женев хотноо 1958 онд баталсан “Дугуйт тээврийн хэрэгслүүд, тэдгээрт суурилуулан ашиглаж болох тоног төхөөрөмж, эд ангид зориулсан НҮБ-ын уялдуулан тохируулсан техникийн дүрмийг хэрэглэх болон эдгээр дүрэмд үндэслэн олгосон баталгааг харилцан хүлээн зөвшөөрөх нөхцөлийн тухай хэлэлцээр””-ийг соёрхон батлах тухай хуулийн төслийг хэлэлцэв. 

Уг хуулийн төслөөр гишүүд асуулт тавьж, хариулт авч дууссан байна. Ингээд байнгын хорооны саналаар хэлэлцээр соёрхон батлах тухай хуулийн төслийг эцэслэн батлах санал хураалт явуулав. Гишүүдийн олонхийн саналаар хэлэлцээрийг соёрхон батлав. 

Чуулганы хуралдаан үргэлжилж байна. 

Н.Энх