Н.Учрал: Тусгай хамгаалалттай газар эзэмшигчдийн нэрийг ил болголоо

Засгийн газраас зарласан Шилэн ажиллагааны хүрээнд ЦХХХ-ны Сайд Н.Учрал мэдээлэл хийлээ. Тэрбээр: 

-Өнөөдөр Богд хан уулын дархан цаазат газар, Хөвсгөлийн байгалийн цогцолбор  газар нийт тусгай хамгаалалттай 3470 га газрыг shilen.gov.mn сайтад байршуулан ил тод болгож байна. Газар эзэмшигчээр нь авч үзвэл 1071 иргэн, 877 байгууллагын эзэмшил газар хамрагдлаа. Тусгай хамгаалалттай газрыг эзэмшиж байгаа эзэмшигчдийн нэрийг нээлттэй болгосноор иргэд төрийн үйл ажиллагааг хянах бололцоо бүрдэж байна. Тусгай хамгаалалттай газрыг эзэмшигч нар газрын төлбөрийг төлөөд зориулалтын дагуу эзэмшиж байгаа эсэхэд хяналт тавих юм.

Нээлттэй мэдээллийг өнгөрсөн долоо хоногт өслөө. Байгаль орчин, уур амьсгалын санхүүжилттэй холбоотой мэдээллийг мөн ил болголоо. Улсын хэмжээнд нийт 23 Засгийн газрын тусгай сан байдгаас эхний ээлжинд 12 сангийн мэдээллийг ил болгох талаар албан бичгээр хүргүүлсэн хэмээн мэдээлэв. 

Н.Энх