Монгол Ардын Нам, Социал Демократ Монголын эмэгтэйчүүдийн холбоо, НҮБ-ын хөгжлийн хөтөлбөр хамтран 2024 оны шат шатны ээлжит сонгуульд нэр дэвших эрмэлзэлтэй эмэгтэйчүүдээ сургаж бэлтгэх, чадавхжуулах, нийгэмд эмэгтэйчүүдийн оруулж буй хувь нэмэр, тэдний манлайлах бололцоог сурталчлах, олонд таниулах, нийгэмд эерэг нөлөөллийг бий болгох зорилгоор “Манлайлагч 350” хөтөлбөрийг хэрэгжүүлж байна.
“Манлайлагч-350” хөтөлбөрийн хүрээнд 04 дүгээр сарын 03-23-г хүртэлх хугацаанд 21 аймаг, 9 дүүргийн 350 эмэгтэйчүүдэд зориулсан сургалтыг зохион байгуулж байна. Сургалт 20 хоног үргэлжлэх бөгөөд өнөөдөр Архангай, Өвөрхангай, Сэлэнгэ, Хөвсгөл, Төв аймаг болон Багахангай, Сүхбаатар дүүргийн эмэгтэйчүүд оролцлоо.
Эмэгтэйчүүдийн ёс зүйн манлайлал, Жендерийн үндсэн ойлголт, Хүний эрх, Социал Демократ үзэл санаа, Эв санааны нэгдэл, Эмэгтэй улс төрчдийн онцлог гэсэн сэдвийн хүрээнд энэхүү сургалт зохион байгуулагдаж эхэллээ.
НҮБ, Монгол Улсын Их Сургууль, Удирдлагын Академи, Хүний Эрхийн Дэвшилтэт Бодлогын хүрээлэнгийн эрдэмтэн, доктор, судлаачид сургалтыг удирдан явуулж байна.
Сургалтад багш, эмч, эдийн засагч, инженер, малчин, нийгмийн ажилтан гээд нийгмийн бүхий л төлөөлөл хамрагдаж байгаараа энэхүү сургалт онцлог юм.
Эх сурвалж: nam.mn
°C
Сэтгэгдэл (0)
Сэтгэгдэл бичигдээгүй байна