УИХ-ын чуулганы хуралдаанаар Монгол Улсын Үндсэн хуульд оруулах өөрчлөлтийн төслийг нэгдүгээр хэлэлцүүлгийг хийв. Хэлэлцэж байгаа асуудалтай холбогдуулан гишүүд асуулт тавьж, хариулт авсан юм. УИХ-ын гишүүн Ц.Сандаг-Очир гишүүний асуултад Ерөнхий сайд хариуллаа. Ерөнхий сайд Л.Оюун-Эрдэнэ:
-Авлига, албан тушаалын ашиг сонирхлоос ангид байж, УИХ бол зөвхөн иргэдийн төлөөлөх эрхийн мандат юм гэдэг сонгодог агуулга руу орох алхам хийж байгаа нь үнэн. Парламентын гишүүд энэ агуулгыг дэмжиж байгааг талархаж байна. 76 дарга, 76 төсвийн захирагч Иргэдийн хувьд бодлогын мэтгэлцээн гэхээс илүүтэй тойрог дээрээ ямар хөрөнгө оруулалт татав, ямар төсөв тусгуулав, тойргоос хэнийг томилж байна гэдэг уралдаанд 30 жил боллоо.
Ц.Сандаг-Очир гишүүн, нийслэлийн төлөөлөгч байсан хүн учир зөв тодорхойлж байна. 76 даргаас 152 иргэний төлөөлөгч рүү шилжих, эрх мэдлийн задрал, тогтолцооны реформ гэж ойлгож байна. Үүнийг хийхэд амар биш. Гэхдээ хийснээрээ парламентын гишүүдийн тоо хэд байх, юу хүсэх вэ гэдэг сонгогчдын болон нийгмийн сэтгэл зүй өөрчлөгдөнө. Ганцхан гүйцэтгэх засаглал, хууль тогтоох засаглал, шүүх засаглалтай байх ёстой. Тойргийн хөрөнгө оруулалт нэрээр зураг төсөвгүй зүйлийг хувааж, шийддэг. Бид хөгжлийн цогц нэгдсэн бодлоготой асуудалд хандах ёстой. Сонгодог парламентын засаглалтай аль ч улсад УИХ-ын гишүүд сонгогдох тусмаа үнэ цэн нь нэмэгддэг хэмээв.
Н.Энх
°C
Сэтгэгдэл (0)
Сэтгэгдэл бичигдээгүй байна