Бээжин хотод монголчуудын түүхтэй холбоотой олон дурсгал бий. Тэдгээрийн нэг нь Их Юань гүрний нийслэл Дайду хотын туурь юм. 1260 онд Хубилай ширээнд залран Монголын эзэнт гүрний хаан болсон бөгөөд 1271 онд Юан улсыг байгуулснаар хойд, өмнөд Хятадыг нэгтгэн Монголын эзэнт гүрний хэсэг болгон, шинэ нийслэлийг байгуулжээ.
Дайду хотын зохион байгуулалтын талаар Хубилай Хааны ордонд олон жил амьдарсан Италийн худаалдаачин Марко Поло нэлээн бичиж үлдээсэн байдаг. Тэрбээр бичихдээ, Дайду хот нь өргөн гудамууд нарийн гудамжуудтай огтолцолсон энгийн зохион байгуулалттай хэмээн дурдаж цэлмэг өдөр хотыг нэг өнцөгнөөс нь нөгөө хүртэл харж болдог тухай бичсэн байдаг.
Дайду хотын туурин дээр эдүгээ Бээжин хотын хоёр ч дүүргийн нутаг дэвсгэрийг хамран орших цэцэрлэгт хүрээлэн, амралт чөдлөөт цагийн бүс байгуулжээ.
°C
Сэтгэгдэл (0)
Сэтгэгдэл бичигдээгүй байна