Газрын тосны хамгийн том экспортлогч Саудын Араб өнгөрсөн зургадугаар сард гадаадад нийлүүлэх нефтийн хэмжээгээ 2021 оны есдүгээр сараас хойших хамгийн доод түвшинд хүртэл буурууллаа. Тэдний эзлэх хувь гурван сар дараалан буурч байгаа юм.
Тус улс өнгөрсөн зургадугаар сард өдөрт дунджаар 6.8 сая баррель борлуулсан. Газрын тосны олборлолт бага зэрэг өөрчлөгдсөн бол түүхий нефтийн нөөц 1.45 сая баррелиар өсч 149.7 саяд хүрсэн байна. Газрын тосны бүтээгдэхүүний экспорт өмнөх сарынхаас өдөрт 26 мянган баррелиар буурч, 1.35 сая баррельд хүрчээ. Азийн томоохон худалдан авагчид Оросын хямд газрын тосыг илүүд үздэг.
Тодруулбал, ОХУ-ын түүхий эдийн Энэтхэг, БНХАУ-д чиглэсэн борлуулалт өнгөрсөн зургадугаар сард дээд амжилт тогтоосон. Хятадын нефть боловсруулах үйлдвэрүүд Оросын ESPO зэрэглэлийн үнийг бага зэрэг өсгөсөн ч худалдан авсаар байна. ТАСС агентлагийн уламжилснаар, энэ сард Саудын Араб газрын тосны олборлолтоо өдөрт нэг сая баррелиар бууруулахаа зарласан. Энэхүү шийдвэртэй холбогдуулан тус улс Азийн худалдан авагчдад зориулан газрын тосны ханшаа нэмжээ.
°C
Сэтгэгдэл (0)
Сэтгэгдэл бичигдээгүй байна