НҮБ-ын дэмжлэгтэйгээр Газын зурвас дахь 300 мянга орчим палестин хүүхдүүд сургуульд элсжээ. Газа хотод дүрвэгч хүүхдүүдэд зориулсан сургуулиудыг олноор барьж, 500 гаруй багш ажилд авсан аж. Хүнд нөхцөлд ч боловсролыг хөгжүүлэхийг НҮБ-ын төлөөлөгч Томас Уайт онцлоод “Палестины дүрвэгсдийн хүүхдүүдэд боловсрол олгохын зэрэгцээ ирээдүйд ажилд орох, амжилттай дасан зохицоход шаардлагатай ур чадварыг эзэмшүүлнэ. Албан бус тоо баримтаар 1.7 сая гаруй палестин хүүхэд орон гэрээ орхисноос 470 мянга нь гаднын орнуудаас орогнол хүссэн” гэжээ. НҮБ-ын Хүүхдийн сангийн мэдээлснээр дэлхийн хэмжээнд энэ жил хоёр сая гаруй хүүхэд мөргөлдөөний улмаас гэр орноо орхин дүрвэжээ. Хамгийн эмгэнэлтэй байдал Суданд үүссэн. Одоогийн байдлаар тэнд 9.4 сая гаруй хүүхэд ундны усны хангамжгүй, ходоод гэдэсний өвчин, холероор өвчлөх эрсдэлд амь зууж байна. Суданы эмзэг бүлгийн хүүхдүүдэд яаралтай тусламж үзүүлэхэд шаардлагатай 400 сая ам.долларыг НҮБ хандивлагчдаас хүсжээ.
°C
Сэтгэгдэл (0)
Сэтгэгдэл бичигдээгүй байна