БНАСАУ-ын удирдагч Ким Жон Ун энэ сард ОХУ-д айлчилж, Ерөнхийлөгч Владимир Путинтэй уулзана. Нийслэл Пхеньянаас ховорхон гардаг Ким Жон Уны гадаад айлчлалыг эх сурвалжууд олон талаас нь дүгнэн таамаглажээ.Барууны хэвлэлүүд түүний айлчлалын зорилгыг Кремльд зэвсэг нийлүүлэх боломжийг ярилцах гэж таамаглаж байна. Ерөнхийлөгч В.Путин БНАСАУ-ын залуу удирдагч Ким Жон Унтай 2019 онд анх уулзжээ. Хоёр улсын төрийн тэргүүний уулзалтын талаарх дэлгэрэнгүй мэдээлэл хараахан гараагүй ч Владивосток хотод болох магадлалтай. АНУ-ын үндэсний аюулгүй байдлын зөвлөх Жейк Салливан “Бид Оросын батлан хамгаалахад шахалт үзүүлсээр байна. ОХУ-д зэвсэг нийлүүлэх нь Умард Солонгост сайнаар нөлөөлөхгүй. Олон улсын хамтын нийгэмлэгт үүний төлөөсийг төлөх болно” гэжээ. Украины хямрал, Умард Солонгосын баллистик пуужин, цөмийн зэвсгийн хөтөлбөрөөс үүдэн олон улсын хэмжээнд өсөн нэмэгдэж буй тусгаарлагдмал байдлыг эсэргүүцэхийн тулд цэрэг, эдийн засгийн хамтын ажиллагааг өргөжүүлэхийг эрэлхийлж байгаа үед энэ уулзаж буйгаараа онцлог. В.Путин Умард Солонгосын их буу, танк эсэргүүцэгч пуужингуудыг хамгаалах сонирхолтой бол Ким Жон Ун Кремль хиймэл дагуул болон цөмийн шумбагч онгоцны технологийн дэмжлэг авах хүсэлтэй байгаа. Дорнын эдийн засгийн форум энэ сарын 10-13-нд Владивосток хотод болно. Ким Жон Ун тус уулзалтад оролцож, Оросын Номхон далайн флотын тэнгисийн цэргийн хөлөг онгоцууд буудаг “Пиер 33” баазад зочлохоор төлөвлөсөн.
13°C
Сэтгэгдэл (0)
Сэтгэгдэл бичигдээгүй байна