Физикийн салбарын эрдэмтэд тодорлоо

Физикийн салбарын Нобелийн шагналыг атомын электронуудын судалгааг шинэ түвшинд хүргэсэн Пьер Агостини, Ференц Краус, Энн Л’Хульер нарт олгохоор шийдвэрлэжээ. Тэд  аттосекундын масштабаар үргэлжилдэг гэрлийн импульсийг гэрлийн импульс ашиглан электроны хөдөлгөөнийг нэг агшинд дүрсэлсэн байна. 82 настай Пьер Агостини нь Охайо их сургуулийн профессор бол  65 настай Энн Л’Хульер Шведийн Лунд их сургуулийн профессор юм. 61 настай Ференц Краус Германы Макс Планкийн нэрэмжит квант оптикийн хүрээлэнгийн захирал аж. Доктор  Энн Л’Хульер физикийн салбарт Нобелийн шагнал  хүртсэн тав дахь эмэгтэй судлаач болж байна. Тэрбээр 1987 онд үнэргүй, өнгөгүй, химийн урвал багатай, нэг атомт хийгээр дамждаг хүчтэй лазерын нөлөөг судалснаар электроны түвшинд судалгаа хийх суурийг тавьжээ. Улмаар лазер хийг эрчимжүүлж, тусгай давтамжтайгаар гэрэл цацруулдаг болохыг тогтоосон.