Панамын суваг хөлөг онгоцуудаа хязгаарлалаа

Панамын суваг ган гачгийн улмаас усан замаар зорчих хөлөг онгоцны тоог өдөрт 25 болгон бууруулжээ. Үүнээс болж бараа тээвэрлэх зардлыг нэмэгдүүлэх төлөвтэй байна. Ялангуяа АНУ-аас шингэрүүлсэн хий тээвэрлэх зардлыг нэмэгдүүлнэ.Панамын суваг нь Атлантын болон Номхон далайн хоорондын тээвэр, логистикийн чухал зангилаа. Жилд 14 мянган хөлөг онгоц дайран өнгөрдөг аж. Гэтэл Эл Нино үзэгдлээс болж Номхон далайн төв болон зүүн хэсгийн халуун орны усны түвшин буурчээ. Улмаар сувгийн системд ашигладаг усны гол эх үүсвэр болох Гатун нуур ширгэж эхэлсэн байна. Хэрвээ усны түвшин нэмэгдэхгүй бол 2024 оны хоёрдугаар сараас эхлэн өдөрт 18 хөлөг онгоц нэвтрүүлэх төлөвлөгөөтэй байна.