Францын цагдаа нар жагслаа

Парисын зуны олимпыг угтан  цалин, хангамж, нөхцөлөө сайжруулахыг шаардаж Францын цагдаа нар жагслаа. Хууль сахиулах албаны үйлдвэрчний эвлэл олимпын  наадмын үеэр дайчилсан цагдаа нарт 2000 еврогийн урамшуулал олгох ёстой гэж мэдэгдэв. Зуны олимп эхлэхээс дуустал цагдаа нарыг ээлжийн амралтаа авахыг Дотоод хэргийн яам хориглосон. Орон нутгийн цагдаа нарыг энэ үеэр Парис руу дайчлах юм. Францад 2015 оны террорист халдлагаас хойш шар хантаазтануудын жагсаал, цар тахлын хямрал, тэтгэврийн хуулийн шинэчлэлтэй холбоотой  эсэргүүцлийн хөдөлгөөн тасраагүй. Хууль сахиулах байгууллагын алба хаагчид  өндөржүүлсэн байдалд ажиллаж эхэлжээ. Дотоод хэргийн сайд Жеральд Дарманин  Үйлдвэрчний эвлэлийн төлөөллийг хүлээн авч уулзсан. “Франс Пресс” агентлагийн  мэдээлснээр цагдаа нарт олгох багцыг энэ сарын эцэс гэхэд эцэслэн шийдвэрлэх бөгөөд 500 сая евро төсөвлөх гэнэ.

Эх сурвалж: Монголын үнэн сонин №002/24581/