“Самсунг”-ийн захирлыг цагаатгалаа

Өмнөд Солонгосын шүүх “Самсунг электроникс” компанийн ТУЗ-ийн дарга Ли Жэ Ёны 2015 онд үйлдсэн гэх санхүүгийн гэмт хэргийг цагаатгалаа. Сөүл хотын төв дүүргийн шүүх түүнийг хувьцааны ханшийг удирдаж, нягтлан бодох бүртгэлийн залилан хийсэн хэрэгт буруугүй гэж үзжээ. Энэ хэрэг нь Өмнөд Солонгосыг цочроосон тус улсын хамгийн том компанийг хянах, өндөр түвшний авлигатай холбоотой дуулиан шуугиан байв. Прокурорууд 2015 онд “Самсунг”-ийн хоёр гол салбарыг нэгтгэх нөхцөл нь Ли Жэ Ёнд тус компанийг чангатгах боломжийг олгох зорилготой гэж үзсэн. Гэвч прокурорын зүгээс өв залгамжлалын асуудлыг зөөлрүүлэх зорилгоор нэгдэх үйл ажиллагаа хууль бусаар явагдсан гэдгийг нотолж чадаагүй. Прокурорууд шүүхийн шийдвэрийг давж заалдах эсэх нь тодорхойгүй байна. Ли Жэ Ён хэргийг эхнээс нь үгүйсгэж, нэгдэх нь "хэвийн бизнесийн үйл ажиллагааны" нэг хэсэг гэж мэдэгджээ. Тэрбээр 2020 онд эцэг Ли Кун Хигээс Самсунгийн эзэнт гүрнийг өвлөн авчээ. Өнгөрсөн хугацаанд Ерөнхийлөгчид хахууль өгсөн хэргээр буруутгагдаж байсан юм.