АНУ-ын Сенат Украин, Израил тэргүүтэй холбоотнууддаа 95.3 тэрбум ам.долларын цэргийн тусламж үзүүлэх багцаа баталж, олон сар үргэлжилсэн маргааныг эцэслэлээ. Бүгд найрамдах намын цөөнх Украинд олгох 60 тэрбум ам.долларын төслийг эсэргүүцсэн. Тэд Вашингтон хилийн чанадад олгох төсвөө дотооддоо зарцуулах хэрэгтэй гэж ардчилагчидтай удаан мэтгэлцсэн юм. Үүнээс гадна Киевийн Засгийн газарт найман тэрбум ам.доллар нэмж олгоно. Украины Ерөнхийлөгч Владимир Зеленский олон нийтийн сүлжээнд “АНУ-ын байнгын тусламж манай ард түмний амийг Оросын терроризмоос аврахад тусалж байна” гэж бичжээ.
Хуульд зааснаар тусламж авсан орнууд АНУ-д үйлдвэрлэсэн батлан хамгаалах хэрэгсэл, тэр дундаа зэвсэг, агаарын довтолгооноос хамгаалах систем худалдан авах ёстой. Нэмж дурдахад, Израилын ХАМАС-тай хийсэн дайнд 14 тэрбум, Энэтхэг-Номхон далай дахь түншүүдэд найман тэрбум, Газын зурваст 9.2 тэрбум ам.долларын хүмүүнлэгийн тусламж үзүүлэх юм.
°C
Сэтгэгдэл (0)
Сэтгэгдэл бичигдээгүй байна