Израил, Арабын харилцааг сайжруулахаар хэлэлцэнэ

Газын зурваст мөргөлдөөн хурцадсан нь Израил, Арабын орнуудын харилцааг сайжруулахад саад болсон. 2000-аад оны эхээр Саудын Арабын санал болгосон энхтайвны томьёололд суурилсан яриа хэлэлцээр байгуулах уриалгыг Вашингтон дэмжжээ. Ажиглагчдын харж буйгаар энэ нь хурцадмал байдлыг хэсэг хугацаанд бууруулах ч урт хугацаанд мөргөлдөөнийг зогсооход эргэлзээтэй. Газын зурвасын Египеттэй хиллэдэг Рафах хот руу дайрах Израилын төлөвлөгөөнөөс болж бүс нутгаас хагас сая хүн дүрвээд байна. Рафах руу дайрвал 1979 оны Египет-Израилын энхтайвны гэрээний захидалтай зөр­чил­дөх юм. Ойрхи Дорнод дахь Вашинг­тоны хоёр холбоотны хооронд бүрэн хэмжээний дайсагнал шууд үүсэх­гүй ч бизнесийн харилцаа тасрах магадлалтай.