Дэлхийн удирдагчид 2015 онд температурын урт хугацааны өсөлтийг 1.5 хэм хүртэл хязгаарлахаа амласан билээ. Нүүрстөрөгчийн ялгаруулалтыг бууруулах олон улсын хүчин чармайлт дулаарлыг удаашруулах зорилготой. Гэтэл 2023 оны хоёрдугаар сараас эхлэн жилийн дотор 1.52 хэмээр дулаарсан гэж Европын Цаг уурын албанаас мэдээллээ. НҮБ-ын тайланд дурдсанаар хэт халах, далайн усны түвшин нэмэгдэх, ан амьтдын тоо толгой цөөрөх зэрэг уур амьсгалын өөрчлөлтөөс үүсэх эрсдэл өндөр байна.Шалтгаан нь нүүрстөрөгчийн давхар исэл ялгаруулдаг чулуужсан түлшний хэрэглээ гэж шинжлэх ухааны бүлгүүд тайлбарладаг. Эль-Ниньо үзэгдлээс болж агаарын температур сүүлийн саруудад 0.2 хэмээр нэмэгдсэн. Энэ нь 2024 он хүртэл үргэлжилнэ. Гренланд болон Баруун Антарктидын мөсөн бүрхүүл хайлснаар далайн түвшин нэмэгдэж болзошгүй юм. “Сэргээгдэх эрчим хүч, цахилгаан тээврийн хэрэгсэл зэрэг ногоон технологиуд дэлхийн олон оронд эрчимтэй хөгжиж байгаа учир тодорхой ахиц дэвшил гарна. Өөрөөр хэлбэл, бидний сонголтод тулгуурлан дэлхий ертөнц хэр их дулаарч байгааг хянах боломжтой” гэж АНУ-ын цаг уурын судлаач Зеке Хаусфатер ярьжээ.
Эх сурвалж: "Монголын үнэн" сонин №009/24588/
°C
Сэтгэгдэл (0)
Сэтгэгдэл бичигдээгүй байна