"Бэлтэс мөрөн"-д 46 тэрбум төгрөгөө алдсан хохирогчид Ерөнхий сайдад шаардлага хүргүүллээ

Хөвсгөл аймаг дахь “Шударга иргэдийн нэгдэл” ТББ, Тусгаар тогтнол хөдөлгөөний нэгдэл, “Бэлтэс мөрөн” компанийн хохирогчдын зөвлөлөөс мэдээлэл хийв.

“Бэлтэс мөрөн” ХХК-д залилуулсан 2500 иргэн хохирлыг барагдуулж өгөх шаардлагыг АТГ-т албан бичгээр хүргүүлсэн юм. Хохирогчид энэ асуудал дээр хууль хяналтын байгууллагууд хариуцлагагүй ажилласан гэж удаа дараа мэдэгдэж байна. 

Хохирогч иргэдийн төлөөлөл  “Бэлтэс Мөрөн” ХХК нэг жил гаруйн хугацаанд Хөвсгөл аймагт үйл ажиллагаагаа хэвийн явуулж, хяналт шалгалтын үеэр ямар нэгэн асуудал гараагүй гэсэн мэдээллийг цагдаагийн байгууллага удаа дараалан мэдэгдэж байсан. Мөн хамгийн өндөр татвар төлөгчөөр тодорхойлогдож байсан. Энэ асуудал гараад нэг жилийн хугацаа өнгөрсөн ч шүүх ажиллагааны үйл явц ямар шатандаа яваа, хаана аль шүүх тус хэргийг хянан шийдвэрлэх нь тодорхойгүй байсаар байна. Нийт хохирлын хэмжээ 46 орчим тэрбум төгрөг.

Хөвсгөл аймгийн Чингүнжавын талбайд иргэд гэр барин, тав дахь хоногтоо тэмцэж байна. Аймгийн Засаг дарга тэргүүтэй хариуцлагатай ажилласан албан тушаалтнуудыг огцруулах шаардлагыг Ерөнхий сайдад өнөөдөр хүргүүлж байна. Тус шаардлагад 300 гаруй иргэн гарын үсэг зурсан" гэв.

Н.Нягт