“Эрдэнэс Тавантолгой” ХК Монголын хөрөнгийн биржийн нээлттэй цахим арилжааны системээр нүүрсний 18 дахь удаагийн арилжааг уржигдар амжилттай зохион байгууллаа. Энэ удаагийн цахим арилжаагаар нийт 5 багц буюу 32 мянган тонн коксжих нүүрсийг тонн тутмыг 131.6 ам.доллараар борлуулав. Ингэснээр нийт 126.7 сая ам.долларын үнэлгээтэй, 1024 мянган тонн нүүрс биржээр борлуулсан бөгөөд “Эрдэнэс Тавантолгой” ХК биржээр борлуулсан нүүрсний хэмжээ нэг сая тонн давлаа.
Монгол Улсын Засгийн газрын 2022 оны 466 дугаар тогтоолоор “Экспортод гаргах нүүрсний нээлттэй цахим арилжааны журам”-ыг баталсан бөгөөд “Эрдэнэс Тавантолгой” ХК, Монголын хөрөнгийн бирж хамтран анхны цахим арилжааг 2023 оны хоёрдугаар сарын 9-ний өдөр амжилттай зохион байгуулсан билээ.
°C
Сэтгэгдэл (0)
Сэтгэгдэл бичигдээгүй байна