Д.Амарбаясгалан: Засгийн газар түмний өмч хөрөнгийг луйвардаж байгаатай ЭВЛЭРЭХГҮЙ

ЗГХЭГ-ын дарга Д.Амарбаясгалан Дарханы төмөрлөгийн үйлдвэр болон Хөтөлийн цемент шохойн үйлдвэрийн удирдлагуудтай уулзалт хийв. Тэрбээр:

Монгол Улсын Засгийн газраас Эрдэнэт, Дарханы төмөрлөгийн үйлдвэр, Монголросцветментийг хувьчилж авахдаа луйврын шинжтэй, концессийн гэрээгээр авсан. Авсан зорилгоо хангах үйл ажиллагаа  хийгдээгүй гэж үзсэний үндсэн дээр төрд буцаан авах үйл ажиллагаа явж байна. Засгийн газар хувийн хэвшлийн үйл ажиллагааг дэмжинэ. Мэдээлэлд ойрхон, улс төрийн эрх мэдлийн давуу талаа ашиглаж олон түмний өмч хөрөнгийг луйвардаж байгаа үйл ажиллагаатай  эвлэрэхгүй. Тиймээс ч "Эрдэнэт, Дарханы төмөрлөгийн үйлдвэр, Хөтөлийн цемент, шохойн үйлдвэрийн хувьчлал, концессийн гэрээг цуцалсан.

Дарханы төмөрлөгийн үйлдвэрийн захирал долоон жилийн хугацаанд ямар ажил хийгдсэнийг ярихгүй байна. Дарамт, шахалтад ороод байдаг уу. Төртэй хийсэн концессийн гэрээнд Гангийн үйлдвэр барина гэсэн боловч нэг ч хадаас тавиагүй. Концессоор авсан этгээдүүд нэг ч төгрөгийн хөрөнгө оруулалт хийгээгүй, төрийн өмчийг барьцаалж зээл авч, хямд үнээр борлуулсан. Учруулсан хохирол нь 2.8 их наяд төгрөгийн ард түмэн, төрд учруулсан. Гар утас хулгай хийсэн иргэнийг долоо хоногийн дотор хууль, хяналтын байгууллага шийдвэрлэдэг. Монголын ард түмэнд хохирол учруулсан этгээдийг тав, зургаан жилээр хууль хяналтын байгууллага шалгасаар байна. Бид хууль хяналтын байгууллагад нөлөөлөл үзүүлж байгаа юм биш. Монголын ард түмний нэрийн өмнөөс шударга ёсыг шаардаж байна. Тийм учраас ТӨБЗГ, Засгийн газар дээрх үйлдвэрүүд дээр очиж ажиллана хэмээв. 

Н.Нягт