УИХ-ын гишүүн Т.Аюурсайханыг УИХ-ын дэд даргын албан тушаалаас чөлөөллөө. Тэрбээр өнгөрсөн долоо хоногт Хөдөлмөр, нийгмийн хамгааллын сайдаар томилогдсон билээ.
УИХ-ын тухай хуульд заасны дагуу гишүүний бүрэн эрхийг түдгэлзүүлсэн, бүрэн эрх нь дуусгавар болсноос гадна өөрийнх нь хүсэлтээр, нэр дэвшүүлсэн нам, эвслийн бүлгийн хүсэлтээр дэд даргын үүрэгт ажлаас нь чөлөөлдөг. УИХ-ын гишүүн Т.Аюурсайхан Засгийн газрын гишүүн болсонтой холбогдуулан чөлөөлөгдөх хүсэлтээ өгсөн байна.
Энэ талаар УИХ-ын чуулганы нэгдсэн хуралдаанд УИХ-ын дэд дарга С.Одонтуяа танилцуулж, гишүүдийн 74.5 хувь нь дэмжсэнээр чөлөөлөв.
Н.Нягт
°C