Олон улсын хоригтой нүүр тулсан ОХУ-ын Ерөнхийлөгч Владимир Путин Арабын нэгдсэн Эмират улс, Саудын Араб улсад айлчиллаа. Оросын төрийн тэргүүний онгоцыг зэвсэгт хүчний “Су-35С” сөнөөгч онгоцууд хамгаалан нисжээ. Путин Лхагва гарагт Абу Дабид ерөнхийлөгч Мохаммед бин Заид Аль Нахайянтай уулзахдаа хоёр орны хамтын ажиллагааг өндрөөр үнэлж, АНЭУ-ыг “Арабын ертөнц дэх Оросын худалдааны гол түнш” хэмээн тодорхойлсон. Кремлийн тэргүүн Саудын Арабын угсаа залгамжлах хунтайж Мохаммед бин Салмантай уулзаж Персийн булангийн орнуудтай харилцаагаа үргэлжлүүлэн хөгжүүлэх зорилготой байна. Украинд дайны гэмт хэрэг үйлдсэн хэргээр Ерөнхийлөгч В.Путинийг баривчлах тушаал гаргасан Гааг дахь Олон улсын эрүүгийн шүүхийн харьяаллыг энэ хоёр улс хүлээн зөвшөөрдөггүй. Иймд АНЭУ болон Саудын Араб улс Оросын Ерөнхийлөгчийг баривчлах үүрэг хүлээхгүй.
°C
Сэтгэгдэл (0)
Сэтгэгдэл бичигдээгүй байна