БХБЯ олон улсын чанарын менежментийн стандарт нэвтрүүлсэн анхны яам боллоо

Барилга, хот байгуулалтын яам төрийн захиргааны төв байгууллагуудыг ман­лайлан түүчээлж олон улсын “Чанарын менеж­ментийн тогтолцооны стандарт ISO 9001:2015”-ыг нэвтрүүлэлтийн гэрчилгээ гардан авлаа. “SESBELL” Олон улсын стандартын аудитын байгууллагаас баталгаажуулсан тус гэрчилгээг ЗГХЭГ-ын дэд дарга У.Бямбасүрэн, Засгийн газрын референт Д.Ганбат нар БХБЯ-ны Төрийн нарийн бичгийн даргын албан үүргийг түр орлон гүйцэтгэгч Ц.Баярбатад гардуулан өгч, тус яамны хамт олонд баяр хүргэж, амжилт хүсэв. 

У.Бямбасүрэн дарга төрийн захиргааны төв байгуул­лагуу­даас олон улсын чанарын стандартыг нэвтрүүлж байгаа анхдагчдын нэг нь БХБЯ болж байгааг онцлоод цаашид төрийн бүхий л байгууллага үйл ажиллагаандаа энэхүү стандартыг нэвтрүүлж, чанартай, хүртээмжтэй, хүнд сурталгүй үйлчилгээ үзүүлж, тасралтгүй сайжруулалт хийж, иргэдийн сэтгэл ханамжийг дээшлүүлэх нь чухал болохыг тэмдэглэсэн юм. БХБЯ-ны үйл ажиллагаанд олон улсын стандарт нэвтрүүлэх ажил хоёр жилийн хугацаанд үргэлжилсэн бөгөөд уг хуга­цаанд бэрхшээлтэй асуудал багагүй тулгарсан ч төлөвлөх-гүйцэтгэх-шалган нягтлах-сайжруулах гэсэн дөрвөн үе шатны дагуу стандартыг нэвтрүүлж алдаа, дутагдал, сул тал, сөрөг нөлөөллийг бууруулах чиглэлээр байнгын сайжруулалт хийж ажилласны үр дүнд ийнхүү баталгаажуулалтын гэрчилгээг гардан авлаа.